Aımaqtar • 09 Jeltoqsan, 2021

Túrkistan qalasy 5G júıesine qosyldy

88 ret kórsetildi



«Qazaqtelekom» Túrkistanda 5G bazalyq stansııasyn iske qosty, dep habarlaıdy Egemen.kz.


Túrkistan qalasy búgin resmı túrde 5G júıesine qosyldy. El Táýelsizdiginiń 30 jyldyǵyna oraı úılestirilgen aýqymdy jobany «Kcell» jáne «Ericsson» kompanııasy birlese júzege asyrdy. Búgin «KUN» qonaq úıinde atalǵan júıeniń bazalyq stansııasyn ornatý rásimi ótip, arnaıy baspasóz máslıhaty uıymdastyryldy.

Jıynda «Qazaqtelekom» AQ basqarma múshesi Tımýr Qudaıberdıev Túrkistan qalasynyń damý deńgeıi, óńirdegi oń ózgerister osy ıgi isti qolǵa alýǵa sebep bolǵanyn atap ótti.

5G jelisin iske qosý úshin Túrkistan qalasy kezdeısoq tańdalǵan joq. Bul sıfrlandyrý men sıfrlyq transformasııanyń aldyńǵy qatarynda turǵan aımaq. Bıznes pen memlekettiń birlesken jumysynyń arqasynda bul joba sátti aıaqtaldy. Osy rette oblys ákimi О́mirzaq Estaıulyna, «Kcell» jáne «Ericsson» kompanııalaryna alǵysymdy aıtqym keledi. Jobany júzege asyrýǵa qoldaý bildirdi. Nátıjesinde Túrkistan Qazaqstan boıynsha qalalyq aýqymda 5G júıesine qosylǵan alǵashqy shahar atanyp otyr.

5G júıesi «aqyldy qala» tujyrymdamasyn tıimdi júzege asyrýǵa múmkindik beredi. Bul degenińiz tek joǵary jyldamdyqty ǵalamtor emes, damýdyń jańa satysy degen sóz. Osy júıe arqyly oblystyń densaýlyq saqtaý, bilim, aýyl sharýashylyǵy jáne ónerkásibine joǵary tehnologııalardy engizýge bolady. Atalǵan ózgerister Túrkistan oblysynyń damýyna serpin beredi. Túrkistan qalasy ońtústik óńirinde ǵana emes, respýblıka boıynsha 5G júıesin engizý boıynsha kóshbasshy atanyp otyr», degen ol Túrkistan oblysy ákiminiń orynbasary Rashıd Aıýpovqa «Qazaqtelekom» AQ atynan arnaıy estelik statýetkany tabystady.

О́z kezeginde Rashıd Aıýpov Túrkistandy saıası, tarıhı-mádenı ortalyq ǵana emes, tehnologııasy damyǵan shahar etý jolynda jumys júrip jatqanyn málimdedi. «Aldymen barshańyzdy Táýelsizdigimizdiń 30 jyldyq merekesimen quttyqtaımyn. Osydan 3 jyl buryn Elbasy Jarlyǵymen Túrkistan oblysy qurylyp, Túrkistan qalasy jalpulttyq jobaǵa aınaldy. О́ńirler, iri kompanııalar Túrkistannyń qurylysyna úles qosty. Biz qalanyń tarıhı kelbetin saqtaı otyryp, ony jańartý josparyn qoıdyq. Osy baǵytta jumys júrip jatyr. Bıyl jazda «Qazaqtelekom» jáne «Kcell» kompanııalarymen kelissóz júrgizilip, arnaıy memorandým jasaldy. Mine, sol kelisim qysqa ýaqytta júzege asty. Túrkistannyń eń strategııalyq mańyzdy oryndary men turǵyndar tyǵyz qonystanǵan bóligine 5G júıesi engizilip, onyń ıgiligin el kóretin bolady», dedi oblys ákiminiń orynbasary.

«Ericsson» kompanııasynyń Shyǵys Eýropa jáne Ortalyq Azııa óńirindegi radıo jáne kólik jelilerin damytý jónindegi vıse-prezıdenti Anatolıı Ilıaıch túrkistandyqtardy tarıhı sátpen quttyqtady. «Ericsson» kompanııasy Qazaqstanda 120 jyldan astam ýaqyttan beri jumys isteıdi. 1989 jyly Semeıde 48 abonentke arnalǵan eń alǵashqy «Ericsson» telefon kommýtatory ornatyldy. Biz Qazaqstandaǵy telefon baılanysynyń bastaýynda turmyz jáne árbir jańa tehnologııanyń, sonyń ishinde uıaly baılanystyń da Qazaqstanǵa bizben birge kelgenin maqtan tutamyz. 5G júıesi óńirdiń damýyn jańa satyǵa kóteredi», dedi ol.

Al «Kcell» AQ bas atqarýshy dırektory Iýrıı Harlamov búginde Túrkistan qalasynyń búkil tarıhı ári mańyzdy ortalyǵyn qamtıtyn 8 syrtqy stansııa daıyndalyp, tolyq jumys istep tur. Atap aıtsaq, qala ákimdigi, «Kongress Holl» saraıy, «Túrkistan Arena» stadıony, avtovokzal, «Farab» kitaphanasy, «Batyr» jastar saraıy jáne ózge nysandar júıege engizilgen. Aldaǵy ýaqyt áýejaı, «Kcell» abonenttik bólimi, «Rixos» qonaq úıi sııaqty mańyzdy týrıstik nysandarda 5G júıesin ornatý josparlanǵan.


Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar