«Turǵyn úı jaǵdaılaryn jaqsartý jáne (nemese) emdelýge aqy tóleý jáne Qazaqstan Respýblıkasy Úkimetiniń keıbir sheshimderine ózgerister men tolyqtyrýlar engizý maqsatynda Biryńǵaı jınaqtaýshy zeınetaqy qorynan tólenetin birjolǵy zeınetaqy tólemderin nysanaly paıdalaný jónindegi ýákiletti operatorlardy aıqyndaý týraly» Úkimet Qaýlysy 2021 jylǵy 6 qańtarda qabyldandy.
«Zeınetaqy jınaqtarynyń eń az jetkiliktilik shegin aıqyndaý ádistemesine sáıkes 2021 jylǵa eseptelgen zeınetaqy jınaqtarynyń eń az jetkiliktilik shegi 2022 jylǵy 1 sáýirge deıin qoldanylady dep belgilensin», delingen tolyqtyrýda.
Túsindirilgendeı, bul norma zeınetaqy jınaqtarynyń eń az jetkiliktilik shegin anyqtaý ádistemesine sáıkes 2022 jylǵa eseptelgen zeınetaqy jınaqtarynyń eń az jetkiliktilik shegin qoldanysqa engizýdi keıinge qaldyrý maqsatynda engiziledi.
Qaýly jobasy 27 jeltoqsanǵa deıin jarııa talqylaý úshin «Ashyq NQA» saıtynda ornalastyrylǵan.
Eske sala ketsek, 9 jeltoqsanda Memleket basshysy Qasym-Jomart Toqaev burynǵy jetkiliktilik shekteriniń qoldanylý merzimin 2022 jylǵy 1 sáýirge deıin uzartýdy tapsyrdy.
Bul ózderiniń normatıvten tys jınaqtaryn paıdalanýǵa úlgermegen azamattardy qoldaý úshin jasaldy.
