Qytaı otashylary jas jigit arqasyndaǵy alyp isikti sylyp tastady

Qytaı otashylary jas jigittiń arqasyna ósip shyqqan isikti alyp tastady. Bul týraly Lenta.ru habarlady. «Hırýrgter jas qytaılyqty arqasyna on jyldaı ýaqyt tańyp kelgen júginen qutqardy. Iаn Sıaonyń arqasynda syrtqy kelbeti rıýkzakqa uqsaıtyn, salmaǵy 10 kılo tartatyn orasan zor isik paıda boldy. Dárigerler isikti alyp tastaý otasynyń óte qaýipti ekenin, biraq ony alyp tastamasa, isiktiń odan ári ulǵaıyp, jigitti múlde qozǵalý múmkindiginen aıyratynyn aıtty», – dep jazdy «The Daily Mail» gazeti. Jalpy, bul isik Iаn Sıaonyń denesine jasóspirim kezinen óse bastaǵan eken. Basynda onyń moınyna kólemi taýyqtyń jumyrtqasyndaı bolatyn isik shyqqan. Keıin ol birte-birte úlkeıip, arqasyna qaraı aýysqan. 2007 jyly dárigerler oǵan fıbromatoz degen dıagnoz qoıyp, operasııa jasaýdy usynǵan. Alaıda, sonyń aldynda ǵana áıelinen aırylyp qalǵan jas jigittiń ákesi ulyna ota jasaýǵa kelisim bermepti. Iаn Sıao operasııa ústeline sodan alty jyl ótkennen keıin bir-aq keldi. Ota toǵyz saǵatqa jýyq sozylǵan. Ázirge ol aýrýhanada emdeý kýrsyn alyp jatyr. Hırýrgter alǵash ret salmaǵy 25,5 kılo bolatyn isikti 2010 jyly Brazılııada alyp tastaǵan eken. Sol kezde hırýrg Oskar Lopes mundaı kórinistiń medısına salasynda alǵash ret kezdesip otyrǵanyn aıtqan edi. Aıdar О́risbaev. Derekkóz: Lenta.ru. Foto: Ilis.ru.