Áýejaıda sıfrlyq jeke kýálikti paıdalaný úshin eGov mobile-da avtorlandyrylǵan paıdalanýshy «sıfrlyq qujattar» servısine kirip, tizimnen jeke kýálikti tańdaýy qajet. Áýejaıdyń tirkeý taǵanynda, sondaı-aq ushý aldyndaǵy tekserýden ótý kezinde servıste jasalǵan QR-kody bar smartfonnyń ekranyn kórsetý kerek.
Qazaqstandyqtar úshin ishki reısterde sıfrlyq jeke kýálikti paıdalaný múmkindigi Indýstrııa jáne ınfraqurylymdyq damý mınıstrliginiń, Sıfrlyq damý, ınnovasııalar jáne aeroǵarysh ónerkásibi mınıstrliginiń, Azamattyq avıasııa komıtetiniń, «Qazaqstannyń avıasııalyq ákimshiligi» AQ-nyń, Qazaqstan Respýblıkasynyń áýe kompanııalary men áýejaılarynyń jáne «Ulttyq aqparattyq tehnologııalar» AQ-nyń júıelerdi ıntegrasııalaý boıynsha birlesken jumysynyń arqasynda paıda boldy.
Sıfrlyq qujattar servısi pılottyq rejımde jumys isteıdi. Sıfrlyq qujattar boıynsha ushýlar Nur-Sultan, Almaty, Aqtóbe, Shymkent, Túrkistan, Aqtaý, Atyraý, Taraz, Petropavl, Qaraǵandy, О́skemen, Semeı jáne Qostanaı qalalary arasynda qoljetimdi. Joǵaryda atalǵan áýejaılarda servısti paıdalanýdy josparlap otyrǵan jolaýshylarǵa jobanyń pılottyq kezeńde jeke kýáliginiń túpnusqasyn alyp júrý usynylady.
