Qadirli aqsaqal 105-shi kóktemdi qarsy aldy

Aqmola oblysynda turatyn qadirli aqsaqal Qudaıbergen Qusaıynov bıyl 105-shi kóktemdi qarsy aldy. Bul týraly Egemen.kz tilshisi habarlady. Etigimen sý keship, jastyq shaǵyn ot jalynda ótkizgen Qudaıbergen aqsaqal eki ǵasyrdyń kýágeri. 1945 jyly týǵan jerine oralǵan ol kóp jyldar boıy aýyl sharýashylyǵy salasynda qyzmet atqardy. Qazir jergilikti ákimdik bólgen kópqabatty páterlerdiń birinde týystarymen birge turyp jatyr. Osy aımaqtaǵy áleýmettik qyzmetkerler de qarııanyń úıine kelip, qolǵabys jasaýda. Sol sátte Qudaıbergen atamyz qolyna dombyra alyp, jastardyń kóńilin kóteretin kórinedi. «Men urpaǵymnyń baqytty ómir súrip jatqanyna qýanamyn. Biz kórgen surapyl soǵysty adamzat balasy bastan keshirmesin. Táýelsizdigimiz tuǵyrly, halqymyz aman bolsyn!», - dep Qudaıbergen ata sóz oraıynda tilegin bildirdi. Aqıqatty aıqyndap jarııalar, Bara jatyr azaıyp qarııalar. Daýyl tursa, búlk etip tolqymaıtyn, Bara jatyr sarqylyp darııalar... Iıa, belgili aqynnyń óleń jolynda aıtylǵandaı, ot jalynda eseıgen qarııalar qatary azaıyp bara jatyr. Alaıda, baqytty urpaǵymyzǵa qarap, shúkirshilik etemiz. Ár kúnimiz shýaqty bolǵaı! Ámirhan Almaǵanbetov. Derekkóz: Egemen.kz. Foto: Tólegen Kósheǵulov.