О́tken aptada baǵanyń ósýi elimizdiń úsh oblysynda – Nur-Sultan qalasy, Batys Qazaqstan jáne Qyzylorda oblystarynda tirkeldi.
Eń kóp ósim Túrkistan oblysynda jáne Almaty qalasynda baıqaldy.
Atap aıtqanda, qyryqqabat 0,7%-ǵa, qaraqumyq jarmasy, aıran 0,4%-ǵa, sút, tuz 0,3%-ǵa qymbattady.
Qazaqstan Respýblıkasy Premer-Mınıstriniń birinshi orynbasary Á. Smaıylov aldaǵy mereke kúnderin eskere otyryp, baǵany qadaǵalaý, turaqtandyrý qorlaryn qalyptastyrý jáne saýda jelilerimen jumys jasaýdy kúsheıtýdi ákimdikterge qatań tapsyrdy.
QR Aýyl sharýashylyǵy mınıstrligi ishki naryqta tapshylyqtyń aldyn alý jáne baǵany turaqtandyrý maqsatynda mal men kókónis eksportyna shekteý qoıý jumystaryn júrgizýde. Aýyl sharýashylyǵy mınıstrligi shekteýler kúshine engenge deıin ishki naryqtaǵy jaǵdaıdy kúndelikti baqylap, taldaý júrgizedi.
«О́ńirler baǵany belgileý jáne deldaldyq tizbekterdi taldaý boıynsha óńirlik komıssııalardyń jumysyn belsendi júrgizý jáne ÁMAT baǵasynyń turaqtylyǵyn qamtamasyz etýi qajet», dedi Á. Smaıylov.
Monopolııaǵa qarsy organnyń aqparatyna sáıkes, jyl basynan beri óndirýshiler men kóterme jetkizýshilerge qatysty 111 eskertý jiberilip, 16 tekserý taǵaıyndaldy, buzýshylyqtardy joıý týraly 20 uıǵarym, 11 eskertý, óndirýshiler, kóterme jetkizýshiler jáne bólshek saýda jelilerimen 186 monopolııaǵa qarsy zańnamany saqtaý aktisi qabyldandy.
Saýda ústemeaqysynyń 15%-dan asýy boıynsha 75 jaǵdaı tirkeldi.
