Semınarǵa QR BǴM Mektepke deıingi jáne orta bilim komıtetiniń bas mamany Gúlmıra Kýlsarıeva, Respýblıkalyq ǵylymı-praktıkalyq bilim mazmunyn saraptaý ortalyǵynyń dırektory Eldos Nurlanov, Koreıanyń Qazaqstandaǵy Elshisiniń orynbasary, mınıstr-keńisshi Choı Dehýn, Koreıtaný zertteý ortalyǵynyń ǵylym doktory Djań Gı Hoń, oqýlyq avtory, Ál-Farabı atyndaǵy QazUÝ Shyǵystaný fakýltetiniń professory Nurjamal Aldabek, 11-synypqa arnalǵan «Geografııa» oqýlyǵynyń avtory, eltaný, geografııa jáne ekologııa kafedrasynyń professory Bahadúrhan Ábdimanapov, BMSO mamandary, pedagogter men baspa úıleriniń ókilderi qatysty.
Is-shara qazaq jáne koreı tilderinde uıymdastyryldy. Jıyn moderatory bolǵan Eldos Bolathanuly alǵashqy sóz kezegin Koreıanyń Qazaqstandaǵy Elshisiniń orynbasary, mınıstr-keńisshi Choı Dehýnge usyndy.
Spıker uıymdastyrýshylarǵa alǵys aıtyp, bul semınardyń maqsatyna toqtalyp ótti. Sondaı-aq Qazaqstanmen bilim-tájirıbemen almasýǵa nıetti ekenin bildirdi.
«Koreıa Respýblıkasynyń Ǵylym mınıstrligi shetel oqýlyqtaryna zertteý júrgizýdi 2003 jyly qolǵa aldy. Sol ýaqyttan beri 139 eldiń 5 200-ge jýyq oqý basylymynda Koreıa kontenti qalaı berilip kelgenin zerdelep, qajet bolsa túzetýler engizdi. Qazirgi tańda Qazaqstan oqýlyqtaryndaǵy derekterdi saralaý maqsatyn qoıdyq. Koreıa men Qazaqstan arasynda emosıonaldyq uqsastyq bar. Osyndaı ózara túsinistikti arttyrǵan jón. Eki el tarapynyń oqýlyq ázirleý jáne saraptaý prosesteri boıynsha tájirıbe almasýynyń mańyzy joǵary», dedi D. Choı.
Jıyn sońynda BMSO dırektory Eldos Bolathanuly Elshilikke qazaq mádenıeti men salt-dástúrinen tanymdy da taǵylymdy málimet usynatyn kitaptar tartý etti.
