Qazaqtyń ulan-ǵaıyr dalasy nebir qıyn-qystaý kezeńniń kýási boldy. Sol alasapyran zamandarda táýelsiz el bolsaq degen arman ǵana atalarymyzdy alǵa jeteledi. Olardyń qoly jetpegen asqaq armanǵa biz jettik. Demek, ata-babalarymyzdyń «urpaǵym qul bolmasyn» degen shynaıy nıeti men duǵasynyń qabyl bolǵany.
Bizdiń mindetimiz – táýelsizdiktiń qadirin bilý. Elbasy maqalasyndaǵy negizgi túıin de osyǵan saıady. Muny Nursultan Ábishulynyń ósıeti dese de bolady. Elbasy osy maqalasy arqyly Keńes ókimeti quramynan qutylyp, táýelsiz el bolýǵa qulshynǵan, julqynǵan kúnderdi bizge úlgi bolsyn dep kópshilik esine salyp otyr dep esepteımin. Elbasymyzben birge sol bir taǵdyrsheshti kezeńde el úshin ýaıymdap, alǵa umtylǵan atalarymyz, aǵalarymyz biz úshin úlgi tutar tulǵalar. Olardyń da nıetteri, eńbekteri eskerýsiz qalmaq emes.
Sabyrsyzdyq, arandatýshylyq árqashan jemis bermeıtinin tarıhtan kórip, sabaq alýymyz kerek. О́mirde keıde shyndyqty, ádiletsizdikti aıtyp ýshyqtyrǵannan úndemegen artyq, keıin ózi de ýaqytymen sheshiletinin kórsetti. Burynǵylardyń «Bir úndemeseń bir ret ókinesiń, bir ret aıtsań myń ret ókinesiń» degeni elimizdiń turaqtylyǵyn saqtaý úshin kerek-aq bolyp tur. Elbasymyz osy máseleni basqa elderdiń qatelikterinen sabaq dep atady.
Táýelsiz bolý bul jalǵandaǵy aqıqatty, jan dúnıesiniń baılyǵyn oılaıtyn adam úshin asa mańyzdy. Osy máseleni bodan el kezimizde ańsap, múmkindik týǵanda búgip qalmaı aıtqan qanshama qaıran ultjandylar ótti. Bul bostandyqtyń qanshalyqty qymbat, kózimizdiń qarashyǵyndaı saqtaıtyn qadirli dúnıe ekenin kórsetedi.
Azamat DÁÝLETOV,
Qalqaman orta mektebiniń muǵalimi
Pavlodar oblysy,
Aqsý aýdany
