Almaty qalalyq mádenıet basqarmasynyń málimetinshe, merekelik otshashý «Astana» alańynda (QBTÝ ǵımaratyna qarama-qarsy) saǵat 21.00-de bastalady.
Qala ákimdigi mereıtoı kúnine oraı Almatyda 110-nan astam túrli is-sharalar ótkiziletini týraly habarlady. Mysaly, 15 jeltoqsanda №1 Oqýshylar úıinde «Jasa, qazaq eli» konserti ótedi, sol kúni N. Sas atyndaǵy memlekettik akademııalyq orys balalar men jasóspirimder teatrynda mádenıet jáne óner ókilderiniń qatysýymen «Táýelsizdik ıgiligi úshin eńbek» atty is-shara uıymdastyrylady, sonymen qatar Saıran kóliniń jaǵasynda jastardyń qatysýymen eko-aksııa ótedi.
16 jeltoqsanda «Turan» ýnıversıteti fleshmob uıymdastyrady, al Abaı atyndaǵy memlekettik opera jáne balet teatrynda «Abylaı han» operasynyń premerasy kórsetiledi.
Táýelsizdik kúni QR Ulttyq kitaphanasynda «Tuǵyry bıik Táýelsizdik» atty is-shara ótedi.
