«Qurmetti qazaqstandyqtar, sizderdi Táýelsizdiktiń 30 jyldyǵymen quttyqtaımyn!
1991 jylǵy 16 jeltoqsanda Qazaqstan Respýblıkasynyń Joǵarǵy Keńesi «Qazaqstan Respýblıkasynyń memlekettik táýelsizdigi týraly» Konstıtýsııalyq zań qabyldady.
О́tken jyldar ishinde Qazaqstannyń Tuńǵysh Prezıdenti – Elbasy Nursultan Ábishuly Nazarbaevtyń basshylyǵymen elimiz áleýmettik-ekonomıkalyq damý jolynda, memlekettilik pen halyqaralyq bedeldi nyǵaıtýda eleýli jetistikterge qol jetkizdi. Memleket basshysy Qasym-Jomart Toqaev ekonomıkany damytýǵa, halyqtyń ál-aýqaty men turmys sapasyn arttyrýǵa, eldegi beıbitshilik pen qoǵamdyq kelisimdi saqtaýǵa negizdelgen strategııalyq baǵytty odan ári júzege asyryp keledi.
Elimizde saıası jáne áleýmettik-ekonomıkalyq jańǵyrtý jumystary josparly túrde atqarylyp jatyr. Tarıh úshin 30 jyl edáýir kóp ýaqyt bolmasa da, biz úshin bul – egemen memleketimizdiń qalyptasýynyń derbes joly. Táýelsizdik árbir qazaqstandyqtyń óz eli men jeriniń ıgiligi úshin atqarǵan qajyrly eńbegimen, damyǵan jáne qýatty memlekette ómir súrýge degen umtylysymen nyǵaıa túsedi.
Kópultty Qazaqstan kúlli álemge halqymyzdyń kúshi birlikte ekenin jáne alǵa qoıǵan maqsattarǵa qol jetkizýge degen batyl umtylysynda ekenin kórsetti. Barsha qazaqstandyqty osy aıtýly kún – Táýelsizdigimizdiń 30 jyldyǵymen quttyqtaımyn.
Sizderge Qazaqstan Respýblıkasynyń odan ári órkendeýi jolynda jańa tabystar men jetistikterge qol jetkizýdi tileımin!
El Táýelsizdiginiń 30 jyldyq mereıtoıy qutty bolsyn», dedi Úkimet basshysy quttyqtaýynda
