Sapaly sý – salamatty ómir kepi li

Elbasy bıylǵy Joldaýynda «Qarapaıym adamdardyń áleýmettik jaı-kúıleri bizdiń basty maqsatqa qaraı qozǵalýymyzdyń eń mańyzdy ındıkatory bolýy tıis», dedi. «Temirjolsý» AQ-tyń negizgi maq­saty – stansalardaǵy temirjolshylar men jergilikti turǵyndardy sapaly sý­men jáne jylýmen qamtýdy kózdeıdi. Elimiz­de 800-diń ústinde stansa bar. Onyń 250-niń sý jelileri 2000-shy jyldan beri jergilikti atqarý organdarynyń qaraýyna berilgen. Jambyl, Batys jáne Ońtústik Qazaqstan oblystarynyń bıligi bul máselege der kezinde kóńil bólip, sý júıelerine jaqsy kózqaras qalyptastyrdy. Al Aqtóbe, Shyǵys Qazaqstan bıliginiń quzyryndaǵy stan­sa­lardyń sý jelileri qıyn jaǵdaıda tur. Áli kúnge deıin Aqtóbeniń 51 stansasynyń 70, Shyǵys Qazaqstannyń 25 stansasynyń 80 paıyzy taza sýmen qamtylmaǵan. Sebebi, bul stansalardyń sýmen qamtý júıeleri jergilikti bıliktiń balansynda. Bul nysandardy «Móldir bulaq» baǵdarlamasyna qosýdyń múmkindigi joq. Jol boıynda eńbek etetin 160 myń­­nan astam temirjolshylar men stansa turǵyndarynyń taza sýǵa sura­nysyn qanaǵattandyrýdy oılastyrǵan «QTJ» UK» AQ-tyń prezıdenti A.Mamın 5 jylǵa arnalǵan «Móldir bu­laq» baǵdarlamasyn júzege asyrýdy tapsyrdy. Sý tapshy­lyǵyn tartyp júrgen adamdardyń turmysyn jaqsar­tý úshin 10 mlrd. 305 mln. teńgeniń ınvestısııalyq baǵdarlamasyn qabyl­dady. Alǵashqy 2012-2013 jyldary 2 mlrd. 745 mln. teńgeniń jumysy at­qaryldy. Eki jylda sharýashylyq esep ádisi boıynsha 238 temirjol stansasyndaǵy 314 sýmen qamtý nysa­ny men kárizdik júıe kúrdeli jóndeýden ótip, qaıta jańǵyrtyldy. Osy jumystardy atqarýdan únemdelgen qarjyǵa strategııalyq nysandardyń kúzet júıesin quryp, belgi berý quryl­ǵylary men beınebaqylaý apparattary ornatyldy. Bıyl sý júıeleri men kárizderdiń sanıtarlyq-epıdemıologııalyq jaǵ­daıyn jaqsartý jumysy jalǵasady. Buǵan jalpy kólemi 1412,2 mln. teńge jumsaý kózdelip otyr. Sondaı-aq, bel­gilengen baǵdarlama boıynsha halqy tyǵyz ornalasqan Ońtústik jáne Ba­tys Qazaqstan oblystaryndaǵy joba­lardy tolyq aıaqtaý josparlanǵan. Mań­ǵystaýdaǵy shalǵaı stansalarǵa sý jetkizý úshin shynyly plastıkalyq sısternalar jasaý men ornalastyrý jumystary júrgizilmek. Endeshe, birneshe jyldan beri júzege asyp kele jatqan medısınalyq qyzmet kórsetetin «Densaýlyq», «Salamatty Qazaqstan», «Járdem» poıyzdarynyń dárigerleri atqarǵan, jergilikti halyqty saýyqtyrý maq­sattarynyń tabysty oryndalýy úshin sapaly sýdyń qajettigi de aıdan anyq. Osylaı halyq densaýlyǵyn jaqsartýǵa, salamatty ómir saltyn qalyptastyrýǵa shyn kóńil bóleıik. Qazirgideı almaǵaıyp zamanda, Máńgilik El bolý maqsatyn ustanǵan ulttyń densaýlyǵy myqty bolýǵa tıis. Qýat ESIMHA, «Temirjolsý» AQ prezıdenti.