Koronavırýs • 22 Jeltoqsan, 2021

«Spýtnık Laıt» Qazaqstanǵa qashan jetkiziledi?

110 ret kórsetildi

Densaýlyq saqtaý mınıstrligi qazaqstandyqtarǵa «Spýtnık Laıt» vaksınasy qashan qoljetimdi bolatynyn aıtty, dep habarlaıdy Egemen.kz.

Densaýlyq saqtaý mınıstrligi habarlaǵandaı, búginde qazaqstandyqtar QazVac pen Sinopharm preparattarymen revaksınasııadan óte alady.

«Búginde Qazaqstanǵa «Spýtnık Laıt» vaksınasyn jetkizý boıynsha kelissózder júrgizilýde. «Spýtnık Laıt» - revaksınasııa úshin paıdalanylatyn bir komponentti vaksına», dep túsindirdi QR Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova.

Aıjan Esmaǵambetova vaksınany jetkizýdiń josparlanǵan merzimin atady.

«Optımıstik boljammen jeltoqsan aıynyń sońyna deıin atalǵan vaksınanyń alǵashqy partııasy kelýi múmkin dep oılaımyz. Munyń bári bizge baılanysty emes ekenin aıtqym keledi. Qazirgi ýaqytta álem boıynsha vaksınaǵa degen qajettilik joǵary. Onyń ústine kóptegen elder revaksınasııany shuǵyl túrde bastaıdy. Tıisinshe, vaksınaǵa qajettilik artyp keledi. Sondyqtan Densaýlyq saqtaý mınıstrligi ártúrli vaksına jetkizýshilermen kelissózderdi jalǵastyrýda», dedi komıtet tóraǵasy.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar