Taǵylym tárbıesi

Maqaladaǵy: «Bizdiń jurt – tamyryn jeti qat jer astyna jibergen alyp báıterekteı óziniń kúsh-qýatyn ǵasyrlar boıy Uly dala tósinen alǵan baıyrǵy halyq. Babalarymyz bizge mura qylyp ulan-ǵaıyr jer qaldyrdy» degen joldardy oqyǵanda sanama Elbasynyń: «Uly dalanyń jeti qyry» degen tujy­rym­damasy sap ete qaldy.

Jalpy, Nursultan Nazarbaev qa­zaq­tyń kıeli jeti sanyn qas­ter­leı biletin jan. Osy jýyrda ǵana Nur Otan partııasy Caıası Keńesiniń alqaly jıynynda da: «Eldiktiń jeti tuǵyry» atty qaǵıdattar jıyn­ty­ǵyn usy­nyp turyp ol: «Bul Elbasy re­tin­degi meniń jas ur­paq­qa joldar úndeýim», degen sózdi aıtyp edi. Bul Jeti tuǵyrda da Elbasynyń kóp nárseni uǵyn­dyrǵanyn halyq joǵary ba­ǵa­la­ǵa­nyn biz jaqsy bilemiz.

Men «Táýelsizdik taǵylymy» maqala­syn oqyp otyryp Elbasynyń buǵan deıin tolǵana aıtqan «Uly dalanyń jeti qyry» men «Eldiktiń jeti tuǵyry» – týra­ly tujyrymdamalarynyń bir arnada toǵysyp jatqanyn sezindim. Sondaǵy aıtylǵan máse­le­lerdi jeke-jeke jiliktep kelip jiberseńiz, árqaıysysynyń ózi bir-bir álem bolyp shyǵa keleri sózsiz.

Iá, aıtylǵan árbir sózdiń astaryna jete úńilip, jeke oı óre bilý kerek degennen shyǵady, maqalada aıtylǵan: «Bizdiń enshimizge tarıhymyzda óz aýqymdylyǵy men qıyndyǵy jóninen buryn-sońdy bolyp kórmegen jobany júzege asyrý – Saryarqanyń tórine, erke Esildiń boıyna el qondyryp, jańa da ásem elorda salý mártebesi buıyrdy» degen sózinen soń, ıá, Nur-Sultan qalasyn kóz aldyńyzǵa elestetip kórińizshi. Ras, osy astanany sonda kóshirýdiń ózi ońaıshylyqpen kele qoıǵan joq. Biz ony jaqsy bilemiz. Arada qansha sóz, qansha áńgime ketti. Olaı aıtyldy, bulaı aıtyldy. Biraq nátıjesinde bo­la­shaqty aldyn ala oılaı bil­gen Nursultan Nazarbaev ha­lyq­ty jete ılandyra otyryp, óziniń túpki maqsatyna jetti. Osy tusta men Elbasynyń iz­de­nim­pazdyǵyna baılanys­ty bul elordanyń qataryna Túrkistan oblysynyń ortalyǵy etip qu­ryl­ǵan Túrkistan qala­sy­nyń búgingi keremet kelbetin erekshe atap ótken bolar edim.

Men N.Nazarbaev jazbalaryn oqyp otyryp «Máńgilik el» ıdeıasynyń jasampazdyǵyna úlken senim artamyn. Bizdiń bul ómirdegi basty qundylyǵymyz ol birinshi Alla taǵalanyń qalaýy, ekinshi Nursultan Nazarbaevtyń erekshe belsendiligi men oıshyl is-áreket, uıymdastyrý qabiletiniń ar­qasynda qol jetkizgen táýel­siz­digimiz. Táýelsizdikti máń­­gi­likke saqtap qalý bizdiń jáne bizden keıingi urpaqtyń da bas­ty boryshy ekenin esten shy­ǵarmaýymyz kerek.

Biz baqytty elmiz. Aına­la­myz­ǵa barlaı qarap, shúkir­shi­likte bolýymyz kerek. El aman, jurt tynysh. Elbasy tolǵana jazǵan beıbitshiliktiń týyn biz barynsha bıikke kótere túsýimiz kerek.

Qysqasy, biz yntymaǵy ja­ras­qan, táýelsizdigimiz kemeldi, bereke men baq qonǵan elmiz. Endigi jerde osy berik yntymaǵymyz ben táýelsizdigimizdi ǵumyrly etip saqtap qalý jolynda kú­re­se bilýimiz kerek. Al el úlken senim artyp otyrǵan búgingi kúnniń jas­tary elimizdiń órkendep ósip, qanatyn keńge jaıyp, damý jolynda eseli eńbek etip, ózinen keıingi urpaqty da sońynan senimdi túrde erte bilýge tıis.

Al biz – ardagerler, izimizden ergen sol óskeleń urpaqqa óz bilgenimiz ben ómirden kórip, túıgen aqyl-keńesimizdi, táýel­siz­dik taǵylymyn únemi úzbeı aıtyp jetkizip, túsindirip otyrýǵa tıispiz.

Serikbaı TURJAN,

eńbek ardageri

Túrkistan oblysy,

Báıdibek aýdany