«Qulpyrǵan kóktem» kórinisteri

Búginde túrli mádenı sharalarǵa uıytqy bolyp júrgen Nazarbaev Ortalyǵy, elorda turǵyndary men qonaqtaryna tanystyrý úshin Halyqaralyq áıelder kúni merekesine oraı «Qulpyrǵan kóktem» atty sýretshi qyzdardyń shyǵarmashylyǵyna arnalǵan kórme uıymdastyrdy. Kóktem merekesine tuspa-tus kelgen ıgilikti sharanyń ashylýyn bylaıǵy jurt­tan bólek kásibı sýretshiler de tamashalady. Kórnekti sýretshiler Gúlfaırýs Ismaılova men Aısha Ǵalymbaevanyń shyǵarmalary erekshe kóz tartady. Sondaı-aq, kórermender A.Alpysbaeva, R.Ahmetjanova, B.Záýirbekova, N.Qıqymova, V.Slabospıskaıa, A.Kólke, T.Májıtova, M.Myrzabekova, N.Tereshenko, A.Súleeva syndy ózge de sýretshilerdiń syrǵa toly sıqyrly saýsaqtarymen kenepke jan bitirgen qoınaýy tereń qııalynan týǵan ǵajaıyp álemimen tanysa alady. «Búgin sýret óner sheberleri úshin qýanyshty kún. О́ıtkeni, sýretshi qyzdary­myzdyń kórmesi ótýde. О́nersúıer qaýym Qazaq eliniń úlken metrine aınalǵan qyl­qalam sheberlerimen qatar, aǵa, orta jáne keıingi býyn sýretshi arýlar eńbekteriniń jurtqa tanystyrylyp jatýy quptarlyq jaı. Shyǵarmashylyqtaryńyz sharyqtaı bersin, arý sýretshiler!», dedi kórmeniń ashylýynda sóz alǵan Qazaqstan Respýblıkasynyń eńbek sińirgen qaıratkeri, sýretshi Marat Toqseıitov. Ábdirahman QYDYRBEK, «Egemen Qazaqstan». Sýretti túsirgen Erlan OMAROV.