Arýlar alǵan asýlar

Ardan attap, ımandy tas­tap, aramdyqpen mal tabatyn zulym sybaılas jemqorlardy quryqtaıtyn quryǵy uzyn quqyq qorǵaý organdary elimizde kóp emes. Sonyń saldarynan ba sybaılas sumyraılar eldiń aqshasyn, bıýdjettiń qarjysyn, adal adamdardyń nápaqasyn talan-tarajǵa salýǵa kelgende zańǵa da, tártipke de moıyn burmaıdy. Bıliktegi laýazymyn paıdalanyp, ózi sekildi joǵary turǵandardyń aýzyn maılap, al qaltany toltyrý úshin tómendegilerdi tabaǵa qýyryp, namysty taptap júre beredi. Alaıda, olardyń qara nıetteri árqashan oryndala bermeıtini anyq. О́ıtkeni, aqqa Qudaı jaq degendeı, jábirlengenderdi sybaılastardyń soıylynan saqtap qala alatyn adal adamdar da barshylyq. Olar – ádildik úshin kúresýshi jandar. Árıne, olar týraly óte kóp aıtýǵa jáne jyly iltıpat qana bildirýge bolady. Biraq sybaılasqan jandardyń da osal adamdar emes ekenin eskersek, ondaılarmen kúresýdiń ózi qanshalyqty kúrdeli de, qaterli ekeni túsinikti bolady. Sebebi, memlekettiń aqshasyn jymqyrý úshin qolda joǵary laýazym jáne soǵan saı aýyz jalasqan birmúddeli eki júzdi jandar sybaılas bolýy kerek. Al mundaılardyń jegenin jelkesinen shyǵarý úshin adaldyq, ádildik kerek dep zańǵa saı kúresip kórińiz! Qandaı tosqaýylǵa ushyrar ekensiz. Demek, ári óz isin biletin, júregi elim dep soǵatyn, zańdy qatań saqtaıtyn jáne ony buzǵandardy qoryqpaı jazalaı alatyn batyl da bilikti mamandar qajet. Mine, biz búgin solardyń birnesheýin halyqqa tanystyrýdy jón kórdik. Árıne, bular ádettegideı eki basty jalmaýyz aıdaharlarmen kúresýshi alyp tulǵaly erler emes, biraq sol erlerdiń isin asyra tyndyra alatyn názik jandy áıelder. Bul oraıda bireýler: «Áıel ıyǵyndaǵy pogon – bul áıelderdiń qolynan keletin is emes» degendi aıtady. Alaıda, tájirıbe kórsetip otyrǵandaı, tek pogondy qyz-kelinshekter ǵana óziniń jedeldigi men shydamdylyǵy arqasynda qaýipti jaǵdaıda tez arada kómek kórsete alady eken. Bul oraıda Qarjy polısııasynyń áıel-qyzmetkerleri asa erekshe tanystyrýdy qajet etpeıdi. Olar – eńbekte jáne qoǵam ómirinde belsendi ári otbasynda aıaýly arýlar. Jumystyń aýyrlyǵyna qaramastan, kóterińki kóńil-kúıde júredi. Máselen, Qarjy polısııa­synda qyzmet etý agenttiktiń tergeý departamenti basqarmasy bastyǵynyń orynbasary Oksana Rahmetýlaevanyń minez-qulqyna tıtteı de keri yqpal ete almady. Ol – meıirimdi, aqkóńil adam. 15 jyldan asa óziniń kúsh-qýaty men bilimin Qarjy polısııasyna arnaýda. 2013 jylǵy jeltoqsanda basqarma bastyǵynyń orynbasary laýazymyna kóterildi. Ol barlyq áıelder sııaqty mahabbat pen túsinistikte tatý-tátti ómir súrip, órkendeý men oryndalǵan úmitine dán rıza. Al Agenttiktiń kadrlar bas­qar­masy bóliminiń bastyǵy Elmıra Omarovany Qarjy polı­sııa­synyń barlyq qyzmetkeri biledi. О́ziniń júktelgen aýyr qyz­metine qaramastan barlyǵyn atqaryp úlgeredi. Ádebıettegi jańalyqtardy qalt jibermeıdi, otbasyna da ýaqyt tabady. Birneshe márte Agenttik basshylyǵy tarapynan marapattaldy, «Qazaqstan Respýblıkasy táýelsizdigine 20 jyl» mereıtoılyq medalimen, «Minsiz qyzmeti úshin» medalimen nagradtaldy. Gúlnar Qusaıynova quqyq qorǵaý organdary qatarynda 17 jyldan astam qyzmet etýde. Bul talǵampaz jáne názik jan úlgi kórsetýge turarlyq adam – árdaıym jınaqy, jarqyn júzdi, qyzmettik ujymyn utymdy basqara alady. Kásipqoılyǵy men súıikti isine degen qaıtarymdylyǵymen tańǵaldyrady. Ataq úshin emes, júrek qalaýy boıynsha qyzmet etedi, barlyq jan-tánimen jumysyna berile otyryp, súıikti mamandyǵy men januıasyna degen qamqorlyǵyn biriktire biledi. Gúlnar Ysmaıylova jıyrma jyldan asa quqyq qorǵaý organdarynda qyzmet etýde. Ony qyzmette tapsyrylǵan iske degen jaýapkershiligi, kásibıligi, eńbekqorlyq pen tártip súıgishtigi daralap turady. Gúlnar qamqorshy jar jáne súıikti ana. Sol sııaqty taǵy bir Gúlnar Áli­hanova – qarjy polısııasynyń polkovnıgi, quqyq qorǵaý organdarynda jıyrma bes jyldan astam ýaqyt qyzmet etedi, tájirıbeli qyzmetkerdiń biri. Ol Qaraǵandy oblysy boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń esepke alý jáne taldaý basqarmasynyń bólim bastyǵy. Almagúl Musylmanbekova – podpolkovnık, qarjy polısııasy organdarynda 1998 jyldyń shildesinen bastap qyzmet etedi. Qazirgi ýaqytta Qaraǵandy oblysy boıynsha departamentinde jos­parlaý jáne baqylaý bóli­mi­niń bastyǵy bolyp jumys is­teıdi. Almagúl óz mindetin adal at­qarǵany úshin birneshe ret marapattaldy. Buǵan qosa ózderiniń mol ómirlik tájirıbelerimen bólisip, qyzmetkerlerdi mindetterin adal atqarýǵa úıretken ardager áıelder – búgingi kúni zeınetkerler. Jumystyń qıyndyǵyna moıymaı, qyzyǵyna toımaı eńbek etken ardager áıelderimiz qarjy polıseıi bolyp qyzmet etkenderin maqtanysh etedi. Máselen, Baqyt Jumasanova – polkovnık. Baqyt quqyq qorǵaý organdarynda 25 jyldan astam ýaqyt jumys isteıdi. Ol qarjy polısııasy organdarynyń eń tá­jirıbeli kadr qyzmetkeriniń biri. Nurzada Jasbulǵanova – podpolkovnık, qarjy polısııasy organdarynda Aqtóbe oblysy boıynsha departamenttiń kadrlar bólimin basqarǵan. Alaıda, kóp jylǵy jumys tájirıbesi barlyq ýaqytyn tek otbasyna arnaýǵa múmkindik bermeıdi. Nurzada ardagerler uıymynyń qurylý kezeńinde fılıaldyń qajetti zań jáne bank qujattaryn jeke ózi resimdegen. Qazirgi ýaqytta fılıal men «Nur Otan» partııasynyń qujattamasyn júrgizedi. Qarǵash Jarlyǵaqova – podpolkovnık, qarjy polısııasy organdarynda qurylǵan kúninen bastap jumys isteıdi. On tórt jyldan astam Shyǵys Qazaqstan oblysy boıynsha departamenttiń Zaısan aımaǵy boıynsha aımaq­aralyq qarjy polısııasy bas­qar­masynda qyzmet etti. Eńbek sińirgen jyldary úshin demalysta bola tura, ardagerler uıymynyń qoǵamdyq ómirine belsene aralasady, jumys tájirıbesimen bólise otyryp, jas qyzmetkerlerge qol­dan kelgen kómegin kórsetedi. Baqytjan Álpeıisova – podpolkovnık, qarjy polısııasy organdarynda 2001 jyldyń sáýirinen bastap 25 jyldan astam ýaqyt ju­mys atqarýda. Buryn ishki is­ter or­gandarynda qyzmet etken. Qa­ra­ǵandy oblysy boıynsha de­par­tamenttiń tergeý basqarmasynyń asa mańyzdy ister jónindegi aǵa ıns­pektor laýazymynan zeınet­ker­likke shyqty. Jumagúl Narymbetova qar­jy polısııasy organdarynda qu­ryl­ǵan kezinen bastap 14 jyldan astam ýaqyt qyzmet atqardy. Q­uqyq qorǵaý organdarynda 25 jyldan astam jumys istedi. Qyzmet etý kezinde ózin eńbekqor, aldyna qoıǵan maqsattaryna jete biletin qyzmetker retinde kórsete bildi. Arýlar alǵan asýlar jalǵasa beredi. Aleksandr TASBOLATOV, «Egemen Qazaqstan».