Serikqalı Brekeshev Memleket basshysyna elimizdegi ekologııalyq ahýaldy jaqsartý úshin qabyldanyp jatqan sharalar men sý salasyn damytý jospary týraly baıandady. 2025 jylǵa deıingi «Jasyl Qazaqstan» ulttyq jobasy aıasynda elimizdiń 6 oblysynda jalpy quny 1,7 mıllıard teńge bolatyn 9 sý qoımasy salynady. Sondaı-aq Sý sharýashylyǵy komıtetiniń, aýmaqtyq basseındik ınspeksııalardyń qyzmetin kúsheıtý kózdeledi.
Kezdesý barysynda geologııa salasyn damytý máselelerine erekshe nazar aýdaryldy. Mınıstrdiń aıtýynsha, jer qoınaýyna júrgiziletin memlekettik geologııalyq zertteý jumystary jandandyrylyp jatyr. Shamamen 684 sharshy shaqyrym jer qoınaýyn zertteý josparlanyp otyr. Sonymen qatar Ulttyq geologııalyq qyzmet qurylady.
Prezıdentke aýqymdy kógaldandyrý jumystary jónindegi tapsyrmanyń oryndalý barysy týraly esep berildi. Serikqalı Brekeshev bıyl 62 myń gektar jerge 130 mıllıon kóshet egilgenin aıtty. Bul baǵyttaǵy jumystar jalǵasa beredi.
