Ǵasyr jasaǵan ana

Qalalyq ákimdik Halyqaralyq áıelder merekesi  qarsańynda, Aqmeshitte 100-ge jetken, odan da asqan altyn qursaqty analarǵa qurmet kórsetti. Olardy jas urpaqqa úlgi-ónege etý turǵysynda sýretterin úlken etip ilip, oǵan arnaıy aıdar da berdi. «Ǵasyr-ǵumyr ıesi – asyl ana» degen atpen turǵan sýretter árkimniń-aq nazaryn ózine qaratqany anyq. Qala ákiminiń orynbasary Rýslan Rústemov bıyl júzge tolyp jatqan Hadısha Qarǵaevanyń otbasynda bolyp, merekemen quttyqtady. Búginde Hadısha ájeıdiń 6 balasy, 24 nemeresi, 10 shóberesi bar. Ájeı urpaǵynyń kórsetip jatqan qurmetine alǵysyn bildirip, «Men sekildi júz jasańdar!» dep batasyn berdi. Árbir adamnyń ólshenip bergen ómiri bar. Al ekiniń biri júzge jete bermeıdi. Sondyqtan ǵasyr jasap, bala-shaǵasynyń qyzyǵyn kórip otyrǵan analarymyzdyń sany arta bersin dep tileıikshi... Erjan BAITILES, «Egemen Qazaqstan».