Ekologııa • 24 Jeltoqsan, 2021

Nazarda – Syr men Araldyń ekojúıesi

9285 ret kórsetildi

Jýyrda Túrkistan qalasynda Qazaqstan men О́zbekstannyń О́ńiraralyq yntymaq­tastyǵynyń III forýmy aıasynda Ekologııa, geologııa jáne tabıǵı resýrstar mınıstrligi «Transshekaralyq táýekelderdi basqarý. Eko­logııany saqtaý jáne qorǵaý» atty paneldik sessııa ótkizdi.

Sessııa jumysyna Qazaqstan Respýblıkasynyń Ekologııa, geologııa jáne tabıǵı resýrstar vıse-mınıstri S.Qojanııazov, О́zbekstan Respýblıkasynyń Ekonomıkalyq damý jáne kedeılikti azaıtý mınıs­triniń orynbasary B.Ábdinazarov, О́zbekstan Respýb­lıkasynyń Ekologııa jáne qorshaǵan ortany qorǵaý jónindegi memlekettik komıteti tóraǵasynyń orynbasary J.Qazbekov, sondaı-aq eki taraptyń múddeli memlekettik organdarynyń ókilderi qatysty.

Paneldik sessııa barysynda Syrdarııa ózeni sýla­rynyń sapasynyń jaı-kúıi, transshekaralyq aǵyndardyń sý ekojúıelerine áseri, Aral teńiziniń qur­ǵaǵan túbinde Qazaqstan men О́zbekstannyń birlesken is-qımyldary jáne t.b. máseleler talqy­landy.

Paneldik sessııanyń qorytyndysynda Qazaqstan tarapy Syrdarııa ózeni boıynsha ekologııalyq sý jiberý uǵymyn zańnamalyq deńgeıde anyqtaýdy; Syrdarııa ózeni basseıniniń qorshaǵan ortany qorǵaý jáne sý sapasy máseleleri boıynsha Qazaqstan-О́zbek­stan birlesken jumys tobyna Syrdarııa ózeni­niń joǵarǵy aǵysynda ornalasqan elderdi (Qyr­ǵyzstan jáne Tájikstan res­pýblıkalary) tartý jónin­degi jumysty memleketara­lyq deńgeıde jan­dan­dyrýdy; Syrdarııa ózeni basseı­nin lastaýǵa áser etetin kózderdi túgendeý jóninde júıeli is-sharalardy jasaqtaýdy usyndy.

«Biz ortaq quqyqtyq ustanymdar, ózara qurmet pen múddelerdi saqtaý negizinde óńir elderiniń kúsh-jigerin biriktirip qana óńirlik turaqtylyqty, trans­shekaralyq ózenderdiń sý resýrstaryn kelisip basqarý men lastanýdan qorǵaý problemalaryn sheshýdi qamtamasyz etýge jáne sol arqyly qazirgi problemalardy tabysty sheshýge bolady dep sanaımyz», dep túıindedi vıse-mınıstr S.Qojanııazov.

О́zbekstan tarapy óz aýmaǵynda júr­gizilip jatqan jumystar týraly, atap aıtqanda, sekseýil otyrǵyzý, Aral teńiziniń qurǵaǵan túbinde trans­shekaralyq tabıǵı rezervattar qurý, sondaı-aq «Aralqum» ulttyq parkin qurý týraly habardar etti.

Taraptar osy baǵytta birlesken jumysty jáne tájirıbe almasýdy jalǵastyrýǵa kelisti.

 

Sońǵy jańalyqtar

Tozaq qaqpasy

Rýhanııat • Keshe

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar