Ardaqty analar, aıaýly ápkeler men arý qaryndastar!

Sizderdi Qazaqstan halqy As­sam­bleıasynyń atynan kóktemniń shýaqty merekesi 8 naýryz – Halyqaralyq áıelder kúnimen shyn júrekten quttyqtaımyz! Osy bir tamasha merekeniń eń názik gúlder qaýyz jaryp, dala jańasha qulpyryp, áserli kúıge enetin kóktemmen birge kelýiniń erekshe máni bar. Barsha tabıǵatqa jan bitetin bul sátte sizderdiń jan jylýlaryńyzdan, shat kúlkilerińizden, názik sezimderińizden tógilgen nur adamdarǵa jasampaz kúsh syılap, jańa isterge bastaıdy. Halyqaralyq áıelder kúni – shýaqty kóktemniń, názik mahabbattyń jáne yrys pen yntymaqtyń merekesi! Sebebi, árbir áıel-ana gúldeı jaınap, adam ómirin sán-saltanatqa toltyrady, álemge jylylyq, meıirim, tatýlyq nuryn shashady. Sebebi, áıel-ana otbasynyń uıytqysy, dástúrdiń saqtaýshysy, urpaq tárbıesiniń, adamgershiliktiń qaınar kózi. El kelesheginiń rýhanı saqshysy. Ananyń sútimen, ystyq alaqanymen boıǵa darıtyn adamı qasıetter, Otanǵa degen súıispenshilik – eldiń kemel kelesheginiń, myzǵymas birliginiń, berekeli tirliginiń ózegi. Sizderge aq júrekterińiz ben izgi mahabbattaryńyz úshin, elimizdiń birligi men yntymaǵyn nyǵaıtý jo­lyn­daǵy qajyrly eńbekterińiz úshin sheksiz alǵysymyzdy bildiremiz. Búgingi merekeniń qarsańynda barlyq izgi lebizder men ystyq yqylastar, alǵys sózder sizderge arnalady. Sizderdiń júrekterińiz jylylyq pen meıirimge, ómirlerińiz shattyqqa, qushaqtaryńyz gúlge tolsyn! Sizderge zor densaýlyq, baqyt, otbasylaryńyzǵa amandyq ti­leımiz! Qazaqstan halqy Assambleıasy