Qoǵam • 24 Jeltoqsan, 2021

Aýǵanstannan kelgen stýdentterge gýmanıtarlyq kómek kórsetildi

61 ret kórsetildi

Kóshi-qon jónindegi halyqaralyq uıym GFFO qarjylyq qoldaýymen Qazaqstan Respýblıkasyndaǵy Adam quqyqtary jónindegi ýákilmen, QR Ishki ister mınıstrliginiń Kóshi-qon qyzmeti komıtetimen jáne QR Eńbek jáne halyqty áleýmettik qorǵaý mınıstrligimen birlesip, Aýǵanstan azamattaryna kómek kórsetý boıynsha gýmanıtarlyq aksııa ótkizdi, dep habarlaıdy Egemen.kz.

Osy jyldyń jeltoqsan aıynda qazaqstandyq JOO-da oqıtyn aýǵan stýdentteri halyqaralyq kóshi-qon uıymynan kómek surady. Nitıjesinde, joǵaryda atalǵan vedomstvo ókilderi gýmanıtarlyq aksııa uıymdastyrdy.

Gýmanıtarlyq kómek aıasynda 200-den astam aýǵan stýdentteri qarjylyq jáne konsýltasııalyq-quqyqtyq qoldaý aldy. Is-sharalar Almaty, Shymkent, Qaraǵandy, О́skemen jáne Nur-Sultan qalalarynda ótti.

«Kóshi-qon qyzmeti komıteti elimizdiń joǵary oqý oryndarynda oqıtyn Aýǵanstannyń 155 azamatyna oqý vızalaryn berdi jáne uzartty. Kóshi-qon qyzmeti komıteti uıymdastyrýshylyq jasady. Halyqaralyq kóshi-qon uıymy tarapynan tıisti qarjylyq kómek kórsetildi», dedi polısııa polkovnıgi, QR IIM Kóshi-qon qyzmeti komıteti tóraǵasynyń orynbasary Tileýbek Tahtanov.

«Qazir biz otbasylarymyzdan aqsha alatyn múmkindigimiz joq, óıtkeni Aýǵanstandaǵy bank júıesi áli jumys istemeıdi. Eshkim aqsha aýdara almaıdy. Sondyqtan bizge BUU-nyń kóshi-qon jónindegi agenttigi sııaqty uıymdarǵa suraý salýdy jón kórdik», dedi gýmanıtarlyq kómek alýshylardyń biri Muhammed Kabır Ehsan.

pa

QR Adam quqyqtary jónindegi ýákil apparatynyń rólin atqaratyn Adam quqyqtary jónindegi Ulttyq ortalyqta atap ótkendeı, barlyq stýdentterge zańdyq, quqyqtyq jáne konsýltasııalyq qoldaý kórsetildi. Aksııanyń negizgi mindetteriniń biri - olardyń QR-da bolýynyń quqyqtyq mártebesin zańdastyrýdy qamtamasyz etý.

«Álemdik qaýymdastyq adam quqyqtaryn qorǵaý máselelerine, ásirese, ishki saıası jáne ekonomıkalyq oqıǵalar aıasynda qıyn kezeńdi bastan ótkerip jatqan elderde erekshe kóńil bóledi. Árbir memleket qıyn ómirlik jaǵdaıǵa tap bolǵan mıgranttarǵa qatysty qabyldaı alatyn qoldaý sharalarynyń paketin derbes aıqyndaıdy. Aksııanyń negizgi baǵyttarynyń biri - bilim alýdy jalǵastyrý úshin Aýǵanstannan kelgen azamattardyń Qazaqstanda bolýynyń quqyqtyq mártebesin zańdastyrý, bul olardyń kópshiligi úshin quqyqtyq sebepter boıynsha ǵana emes, tildik kedergilerge baılanysty da kúrdeli bolyp tabylady. Olardyń barlyǵy bul jaǵdaıǵa óz erikterimen emes, olarǵa degen adamgershilik kózqarasynyń kórinisi - memlekettiń mindeti ǵana emes, eń aldymen bizdiń ortaq adamı boryshymyz», dedi QR Adam quqyqtary jónindegi ýákil Elvıra Ázimova.

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar