Vedomstvoaralyq komıssııa kortop eksportyn shekteýdi kóktemge deıin ishki naryqty tolyq qamtyp, ónim baǵasyn arttyrmaý maqsatynda qabyldaǵan.
«Kórshi elderdi qarasaq, mysaly Qyrǵyzstandaǵy kartoptyń kóp bóligi eksporttalǵan. О́zbekstan da syrtqy naryqqa táýeldi. Al Reseıde bıyl 8,3 prosentke az kartop alynǵan. Iаǵnı, qazaqstandyq ónimdi túgel satyp alýy múmkin degen sóz. Osy jaǵdaılardy eskere otyryp, vedomstvoaralyq komıssııa eksportty shekteý týraly sheshim qabyldady», dedi Erbol Qarashókeev.
Kórshi elge kartoptyń 80 myń tonnasy qajet. Mınıstr «onyń bárin biz eksporttaıtyn bolsaq, kóktemgi jaǵdaı bir aıda qaıtalanar edi» deıdi. Sebebi elde alqap keńeıtilgenmen, qamba byltyrǵydan 100 myń tonnaǵa az. 3 mln 900 myń tonna kartop jınalǵan.
Qazir qordaǵy ónim men ishki suranys qaıta saralanyp jatyr. Artylǵan kartop syrtqa shyǵarylýy múmkin. Degenmen, onyń ózi jetkiliksiz bolady. О́ıtkeni, suranysty óteý múmkin emes. Elimiz jyl saıyn 40-50 myń tonna ónimdi ımporttaıdy. Endi quzyrly mamandar óndirýshilerge ishki naryqqa kóńil bólýge keńes beredi.
