Jıyn barysynda «Atameken» UKP ókilderi kásipkerler kótergen birqatar máselelerdi ortaǵa saldy.
Atap aıtqanda, kólik tasymaly salasyn sýbsıdııalaý jáne tozyǵy jetken avtobýstardyń máseleleri sóz boldy. Bıylǵy jyly ákimdikter qalalyq marshrýttardy sýbsıdııalaýǵa 2020 jylmen salystyrǵanda 75 paıyzǵa artyq qarajat bóldi.
Premer-Mınıstrdiń orynbasary tıisti mınıstrlikke toqsan saıyn ákimdikterdiń qalalyq jolaýshylar kóligin damytý jónindegi is-sharalar keshenin jáne sýbsıdııalaýdy qamtamasyz etý boıynsha qoldanystaǵy zańnamany iske asyrýdy tekserý jumysyn jalǵastyrýdy tapsyrdy. Bıylǵy jyldyń qyrkúıeginde Qazaqstan Respýblıkasynda avtomobıl kóligimen halyqaralyq júk tasymaldaýdy damytýdyń jol kartasy qabyldanǵan bolatyn. Osy qujat aıasynda júk tasymaldaýshylaryn qoldaý sharalary qalaı júzege asyp jatqany aıtyldy. Sonyń nátıjesinde, ýákiletti organǵa Jol kartasyna engizý úshin qosymsha bıznes-usynystar ázirleý júkteldi.
Sonymen birge, halyqaralyq avtomobıl kóligi operatorlaryn 2025 jylǵa deıin júk kóligi tartqyshy úshin tólenetin bastapqy tirkeý jarnasynan bosatý máselesi kóterildi. 2020 jyldyń 2 shildesinen bastap 2021 jyldyń 1 qańtaryna deıin halyqaralyq júk tasymaly úshin satyp alynǵan júk kóligi tartqyshy bastapqy tirkeý jarnasynanan bosatyldy. Bul sharany 2025 jylǵa deıin jańartý josparlanýda. Zań jobasyna bul túzetý kelesi jyldyń basynda engiziledi.
Eske salaıyq, paıdalaný merzimi 3 jyldan 5 jylǵa deıingi júk kóligi tartqyshtary úshin bastapqy tirkeý jarnasy 350 AEK quraıdy. 2020 jyldyń qazan aıynan bastap bıylǵy jyldyń jeltoqsan aıyna deıingi kezeńde Á.Smaıylovtyń tóraǵalyǵymen bıznestiń problemalyq máselelerin qaraý boıynsha 33 otyrys ótkizildi.
«Atameken» UKP jáne bıznes ókilderimen birge Úkimet 160-tan astam problemalyq máseleni qarady.
