«Búgin 70 jasqa tolǵan mereıtoıyńyzben shyn júrekten quttyqtaımyn! Sizdiń ulttyq jýrnalıstıkanyń kóshin órge súırep kele jatqan qabyrǵaly qalamger dep bilemiz. Qalyń jurtshylyq ózińizdi qazaq baspasóziniń alyptar shoǵyrymen qyzmettes bolǵan, kósemsózdiń qyry men syryn boıyna sińirgen kásibı jýrnalıst dep qurmetteıdi», dedi Memleket basshysy.
Sonymen qatar Qasym-Jomart Toqaev óz quttyqtaýynda belgili jýrnalıst Janbolat Aýpbaevtyń eńbek jolynda «Lenınshil jas», «Halyq keńesi», «Aqıqat», «Egemen Qazaqstan» sııaqty elimizdegi bedeldi basylymdarda jemisti qyzmet etkenin, kásibı jýrnalıst retinde qazaq baspasózin damytý úshin aıanbaı ter tókkenin atap ótti.
«Sizdiń qalamyńyzdan shyqqan zertteý eńbekterińiz, tanymdyq, pýblısıstıkalyq maqalalaryńyz ben ocherkterińiz oqyrman qaýymnyń yqylasyna bólendi. Uzaq jyl boıy «Egemen Qazaqstan» gazetiniń bas redaktory qyzmetin abyroımen atqaryp, Qazaqstannyń bas basylymynyń qazirgi zamanǵy saı jańǵyrýyna zor eńbek sińirdińiz», dedi Memleket basshysy Qasym-Jomart Toqaev.
