Bul týraly brıfıngte Mınıstrler kabınetiniń Bas hatshysy Hırokazý Masýno habarlady.
«Tokıo aqpan aıynda bastalatyn oıyndarǵa úkimettik delegasııany jibermeıdi», dedi ol.
Masýnonyń aıtýynsha, onyń ornyna bılik Olımpıadaǵa tikeleı qatysy bar birneshe sheneýnikti, sonyń ishinde saıasatshy Seıko Hashımoto men Ulttyq Olımpıada jáne Paralımpıada komıtetteriniń basshylaryn jiberedi.
Sonymen birge saıasatker Beıjińdegi oıyndarǵa úkimettik sheneýnikterdi jibermeý týraly sheshim dıplomatııalyq boıkot emes ekenin atap ótti.
«Meniń bilýimshe, AQSh jarııalaǵan «dıplomatııalyq boıkot» degen sózdi biz qoldanbaımyz», dep túsindirdi ol NHK telearnasynda.
Aıta ketsek, Beıjińdegi 2022 jylǵy qysqy Olımpıada oıyndary 4-20 aqpan aralyǵynda, al qysqy Paralımpıada oıyndary 4-13 naýryz aralyǵynda ótedi. AQSh birinshi bolyp Olımpıada oıyndaryna qatysty «dıplomatııalyq boıkot» jarııalaýǵa sheshim qabyldady. Buǵan deıin Avstralııa, Jańa Zelandııa, Kanada jáne Ulybrıtanııa da dıplomattardy oıyndarǵa jibermeýge sheshim qabyldaǵan bolatyn.
Buǵan jaýap retinde qytaı bıligi amerıkalyq saıasatkerler Beıjińdegi qysqy Olımpıada oıyndaryna boıkot jarııalaýǵa shaqyrýdy toqtatpasa «qarsy sharalar» qabyldaıtynyn málimdegen bolatyn.
