Qazaqstan tennıs federasııasy málim etkenindeı, A.Danılına ýkraınalyq Valerııa Strahovamen birge fınalda japonııalyqtar Fýna Kozakı – Mısakı Masýdamen bas júldeni sarapqa saldy. Qazaqstandyq-ýkraınalyq jup tartysty matchta 6:0, 2:6, 10:5 esebimen jeńiske jetti.
A.Danılına osylaısha juptyq synda ITF World Tennis Tour dodalarynda sporttyq jolyndaǵy 23-inshi, bıylǵy 9-tıtýlyna qol jetkizdi. Ol sondaı-aq bıyl Polshada WTA 250 jarysynda alǵash ret chempıondyq ataqty jeńip aldy.
«Osy aptadaǵy tabysymyz úshin Valerııa Strahovaǵa alǵysymdy aıtqym keledi. Endi elge kelip, birneshe kún demalamyn. Jańajyldyq merekeni óz otbasymmen ótkizip, sosyn jańa maýsymǵa daıyndalamyn», dedi
A.Danılına. Qazaqstandyq tennısshi qazirgi kezde juptyq synda álemdik reıtıngide 75-orynda tur.
