Prezıdentke raqymshylyq jasaldy

Jańa jyl qarsańynda Koreıa úkimeti raqym­shy­lyqqa ilingen azamattar tizimin habarlady. Bul tizimde 69 jastaǵy Pak Kyn He de bar. BAQ-tyń jazýynsha, bul sheshim onyń densaýlyq jaǵdaıyn eskere otyryp, gýmanıtarlyq sebeptermen qabyl­dan­ǵan.

Pak Kyn He 2019 jyly ıyǵyna ota jasatqan, al bıyl ıyq pen omyrtqa sozylmaly aýrýy sebebimen úsh ret aýrýhanaǵa túsken. Eks-pre­zı­dentke qa­tys­ty saıası janjal 2016 jyldyń qazan aıynda bastalǵan. Janjalǵa qatysty tergeý nátıjesinde onyń qurbysy Chhve Sýn Sıl birneshe jyl boıy úkimet jumysynan habardar bolyp, saıası she­shim­der qabyldaýǵa aralasqany anyqtalǵan. Odan bólek eks-prezıdent qurbysy birqatar kompanııaǵa qysym kórsetip, óziniń qorlaryna ondaǵan mıllıon dollar aýdarýǵa májbúrlegen.

Sybaılas jemqorlyq faktileri jáne Chhve Sýn Sıldiń memlekettik qyzmetke zańsyz qa­ty­sý áreketteri anyqtalǵannan keıin búkil elde na­ra­zy­lyq aksııalary ótip, oǵan qatysýshylar Pak Kyn Heniń dereý otstavkaǵa ketýin talap etti. Parlament Pak Kyn Heni qyzmetinen ketirý týraly sheshim qa­byldap, keıin ol qamaýǵa alyndy.