Aımaqtar • 27 Jeltoqsan, 2021

Qajet sharýalarǵa qarajat bólinbegen

53 ret kórsetildi

Tabıǵattyń jerústi jáne jerasty baılyǵyn tıimdi paıdalaný búginde ózekti bolyp otyr. Onyń ishinde sý máselesi tirshilik kózi, aýyl sharýashylyǵy salasyn alǵa bastyrýshy negizgi tetik bolǵandyqtan, mańyzy artyp tur. Ásirese sońǵy jyldary elimizben qatar, sý tap­shylyǵy anyq baıqalatyn Jambyl oblysynda da bul ózekti. Osy oraıda Memleket basshysy Qasym-Jomart Toqaev sýdy tıimdi paıdalanýǵa baılanysty tapsyrma bergen bolatyn.

Kollajdy jasaǵan Záýresh SMAǴUL, «EQ»

Prezıdent tapsyrmasyna sáıkes qazirgi kezde Jam­byl ob­lysynda sý balansy ja­sa­lyp, «Jol kartasy» ázir­lengen. «Jumyspen qamtý­dyń jol kartasy» baǵdar­la­ma­­sy aıasynda 2020-2021 jyl­­dary óńirdegi kom­mý­nal­dyq menshiktegi 81 sý sharýa­shy­­lyǵy nysan­y­n qal­py­­­na keltirý jumys­tary júr­­­gizilgen. Atal­ǵan nysan­dar­­­dyń uzyndyǵy 374,8 sha­qy­­rym­­dy quraıdy. Nátı­jesinde, 22,9 myń gektar sýarmaly al­qap qaı­ta aına­lymǵa qosylyp otyr.

Búgingi tańda Jambyl ob­ly­­syn­daǵy birqatar sý qoı­ma­­larynyń qurylysy Eýro­palyq qaıta qurý jáne damý banki arqyly júr­gi­zilýde. So­ny­men qatar «Tasótkel» sý qoı­­ma­sy­nyń qazir­gi jaǵdaıy men uń­­ǵy­ma­lar­dy qalpyna kel­tirý máse­lesi de ózekti. Bul rette óńir­degi jerústi jáne je­r­asty sý qorlaryn zer­­­de­leý ma­ńyzdy bo­lyp tur. Degen­­men aımaq­ta sý máse­le­sine qa­tysty ju­mys­tar­dyń qarqyny tómen.

Oblys ákimi Berdibek Sapar­baev bul saladaǵy sylbyr ju­mystardy synǵa alǵan bolatyn. Máselen, úsh aı buryn tıisti basshylarǵa berilgen tapsyrmalar áli kúnge oryndalmaǵan. Tipti «Jol kartasy» boıynsha júzege asýy tıis 34 jobanyń ishindegi 11 jobanyń ǵana ju­mysy júrýde. Osy oraıda, «Qaz­sýshar» res­pýb­lı­kalyq mekemesi oblys­tyq fılıalynyń dırektory Qazybek Bedebaev óńirdegi bes aýdanda 34 joba boıynsha qaıta jańǵyrtý bastalyp ket­kenin, búginge deıin 46 kanal, 46 uńǵyma jóndelgenin aıtty. Alaıda munda da birqatar jobalar merziminen keshigýde.

Al oblystyq aýyl sha­rýa­shylyǵy basqarmasynyń basshysy Erbol Jıenqulovtyń aıtýynsha, «Jol kartasynda» respýblıkalyq men­shikten kommýnaldyq men­shikke aýys­tyrý arqyly jalpy uzyndyǵy 1 mln 375,6 myń sha­qyrymdy quraıtyn 202 ka­nalǵa jóndeý jumystaryn júr­gizip, 41,9 myń gektar sýarmaly alqapty qaıta aınalymǵa engizý josparlanǵan eken. Son­daı-aq basqarma basshysy oblystyq bıýdjet qa­rajaty esebinen aǵymdaǵy jy­ly 26 uńǵyma zerdelenip, onyń ishinde 11 uńǵymanyń qaıta qalpyna kel­tirýge jaramdy ekendigi anyq­talyp, tolyq smetalyq esebi ázirlengenin aıtty.

«Smetalyq esepke sáıkes, aýdan ákimdikteri tarapynan uń­ǵymalardy qalpyna kelti­rýge 47,2 mln teńge, al ınfra­qu­rylymǵa 410,4 mln teńge qarjy qarastyrýlary qajet bolatyn. Alaıda búginge Baızaq, Jambyl, Merki jáne T.Rysqulov aýdandary ákimdikterine qujattary daıyn uńǵymalardy qalpyna keltirý birneshe ret tapsyrylsa da, áli kúnge deıin qarjy qa­ras­tyrylmady», deıdi Erbol Jıenqulov.

Sonymen qatar elimizdiń Aýyl sharýashylyǵy mınıs­tr­ligi Sý resýrstary komıtetiniń Sý res­ýrstaryn paıdalanýdy retteý jáne qorǵaý jónindegi Shý – Talas basseındik ınspek­sııasynyń basshysy Gúlmıra Imasheva men «Jambyl sý qoımalary» meke­mesiniń dırektory Aıdar Asambekov te bul másele jóninde tıisti birqatar jumys atqarylyp jatqanyn jetkizdi. Biraq keıbir aýdan ákimdikteriniń tarapynan tıisti qarajattyń bólinbeýi, berilgen tapsyrmalardyń der kezinde oryndalmaýy jáne taǵy da basqa máseleler óńirdegi sý sha­rýashylyǵynyń damýyna kedergi keltirýde.

Jalpy, óńirdegi barlyq to­ǵandar men sý aıdyndaryn jáne sý jınalatyn qoımalardy tıimdi paıdalaný qajettigi jıi aıtylady. Jambyl oblysy aýyl sharýashylyǵy damyǵan ári sol salaǵa qolaıly óńir bolǵandyqtan, bul kerek te. Sebebi, jyl ótken saıyn aımaqta sý tapshylyǵy qatty sezilýde. Kórshi Qyrǵyz eliniń «Kırov» sý qoımasynan keletin sý bar bolǵanymen, báribir ózimizde bardy uqsatýdyń mańyzy artyp tur. Sol sııaqty, óńirde baǵa turaqtylyǵyn aýyl sharýa­shylyǵy ónimderin kóp kólemde óndirý arqyly ǵana saqtap qalý máselesi de qarastyrylýda. Endi ár basshy ár jaqqa bura tartpaı, sý máselesine kelgende selqostyq tanytpaı, óńirdegi sý tapshylyǵyn sheshýge kúsh salsa bolǵany. Áıtpese, sylbyr jumysqa syn da kóp aıtylady.

 Jambyl oblysy

Sońǵy jańalyqtar

Jem-shóp daqyldarynyń alqaby uǵaıtyldy

Qazaqstan • Búgin, 12:30

Brent markaly munaı baǵasy ósti

Ekonomıka • Búgin, 09:19

Almatydaǵy alyp mýral

Aımaqtar • Búgin, 09:15

Seısenbige arnalǵan aýa raıy boljamy

Aýa raıy • Búgin, 09:09

Týrnırdiń shırek fınalyna shyqty

Tennıs • Búgin, 09:07

Fransııadan da jeńildi

Hokkeı • Búgin, 09:05

«Astana opera» – álem nazarynda

Teatr • Búgin, 09:00

Álkeıdi áli zertteý qajet

Aımaqtar • Búgin, 08:55

Ulttyq ulanda boldy

Qazaqstan • Búgin, 08:52

Kıprdan kelgen kúmis pen qola

Bilim • Búgin, 08:50

Uqsas jańalyqtar