«Kásipqoı boks álemindegi barlyq bedeldi uıymdarǵa sózińdi júrgizýdiń bir ǵana joly bar. Qaı boksshy kóp tabys ákeledi, sonyń aıtqany zań ekeni málim. Saýl Alvares qazir ózi qalaǵan boksshymen qolǵap túıistirip júr. Nege? О́ıtkeni ol negizgi dep sanalatyn tórt uıymnyń bárin asyrap otyr. Men onyń hımııalyq preparattar paıdalanatyndyǵyna 150 paıyz senimdimin. Jartylaı aýyr salmaqqa kóterilip, Sergeı Kovalevti nokaýtqa jiberýdiń astarynda úlken mán jatyr. Árbir boks uıymy oǵan tekserýshiler baratyn kezde eskertip qoıady. Ol sol ýaqytta aǵzasyn tazartyp úlgeredi de, keıin qaıtadan ruqsat etilmegen dári-dármek qoldanady. Osylaısha qalaǵan salmaǵyna kóterilip, qalaǵan qarsylasyn jeńip júr», deıdi ýkraınalyq boksshy óz oıyn túıindep.
Esterińizge sala keteıik, biraz ýaqyt buryn otandasymyz Gennadıı Golovkınmen ekinshi jekpe-jek ótkizýge nıet bildirgen «Kanelonyń» aǵzasynan ruqsat etilmegen dári-dármektiń bir túri klenbýteroldyń izi tabylǵan bolatyn. Árıne, ol kezde «Kanelonyń» komandasy bar kináni sıyr etinen jasalǵan taǵamǵa jaýyp, ózderin aqtaǵysy kelgeni este. Jalpy, bir ret dopıng daýymen ýaqytsha sporttan shettetilgen sportshydan bárin kútýge bolady ǵoı...
