Ekonomıka • 28 Jeltoqsan, 2021

Eksportty jedeldetýdi júzege asyrý máselesi talqylandy

46 ret kórsetildi

Úkimette Premer-Mınıstrdiń birinshi orynbasary Álıhan Smaıylovtyń tóraǵalyǵymen Nur Otan partııasynyń saılaýaldy baǵdarlamasyn iske asyrý jónindegi shtabtyń kezekti otyrysy ótti, dep habarlaıdy Egemen.kz primeminister.kz saıtyna silteme jasap.

Talqylanǵan máselelerdiń biri belsendi eksporttaýshylar sanyn kóbeıte otyryp, eksportty jedeldetý baǵdarlamasyn júzege asyrý týraly tarmaq boldy.

2020 jyly Memleket basshysynyń tapsyrmasy boıynsha Ortalyq Azııada alǵash ret eksportty jedeldetý baǵdarlamasy iske qosyldy. Baǵdarlamanyń birinshi kezeńine Qytaı naryǵyna baǵyttalǵan 35 azyq-túlik kompanııasy qatysty. Kompanııalardyń jartysynan kóbi ShOB ókilderi.

Bıyl iske qosylǵan Baǵdarlamanyń ekinshi kezeńinde tamaq, hımııa, jeńil ónerkásip jáne mashına jasaý salalary boıynsha 101 kásiporyn irikteldi. 2020-2021 jyldarǵa arnalǵan baǵdarlamany júzege asyrýdy eskere otyryp, búgingi tańda eksporttaýshylar sany 410-nan (2020 jyly) 546-ǵa (2021) deıin ósti. Búgingi tańda bul kásiporyndardyń eksporttyq túsimderi shıkizattyq emes eksporttyń jalpy kóleminiń 80%-ǵa jýyǵyn quraıdy. Barlyq eksporttaýshylardyń 43%-yn tamaq ónerkásibi (233), odan keıin hımııa (69) jáne metallýrgııa ónerkásibi (55) kásiporyndary quraıdy.

2019 jyldan bastap Saýda mınıstrligi ashyq derekter portalynda ornalastyrylǵan belsendi eksporttaýshylardyń tizilimin júrgizýde.

Premer-Mınıstrdiń orynbasary tıisti memlekettik organdar men óńirlerge eksporttaýshylardy belsendi qoldaýdy jalǵastyrýdy jáne 2022 jylǵa arnalǵan eksportty jedeldetý baǵdarlamasyn iske asyrý boıynsha belgilengen nysanaly ındıkatorǵa 650 eksporttaýshy kompanııa deńgeıinde qol jetkizýdi tapsyrdy.

Eske salaıyq, partııanyń bıylǵy saılaýaldy baǵdarlamasyn júzege asyrý jónindegi Shtab aıasynda Premer-Mınıstrdiń orynbasary Á.Smaıylovtyń tóraǵalyǵymen 32 jıyn ótti. 100 áleýmettik mańyzdy jáne ózekti másele tyńdaldy. Jol kartasynyń 362 tarmaǵynyń 201 tarmaǵy oryndaldy.

Sońǵy jańalyqtar

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Dollar qaıta kóterildi

Qarjy • Keshe

Uqsas jańalyqtar