Polsha kompanııalarynyń biri adamǵa eki saǵattaı ýaqyt ishinde uıqy qandyrýǵa múmkindik beretin qurylǵy oılap shyǵardy. Bul týraly Utro.ru habarlady.
Qurylǵynyń pishini betke kıiletin maska tárizdi. Oǵan qondyrylǵan tetikter aǵzanyń bıologııalyq sıgnaldaryn, sonyń ishinde mıdyń qyzmetin, kóz almasynyń qımyly men bulshyq et qozǵalysyn ólsheıdi. Alynǵan derekter Bleutooth arqyly smartfonǵa jiberilip, arnaıy baǵdarlamamen «uıqy kartasy» quralady. Osylaısha, qurylǵy ıesi baǵdarlamanyń bergen keńesterine súıene otyryp, uıqyǵa jumsalatyn ýaqytty belgileı alady.
Baǵasy 225 dollardy quraıtyn NeuroOn atty qurylǵyny óndiriske shyǵarýǵa ınternet paıdalanýshylar kómektesken eken. Jańa ónertabys avtorlary áleýmettik jelilerdiń birine qurylǵyny sıpattap, ony óndiriske shyǵarýǵa 100 myń dollar kerek ekenin jazǵan. Alaıda, jańa qurylǵynyń ınternet paıdalanýshylardy qyzyqtyrǵany sonshalyq, olar ónertapqyshtarǵa 430 myń dollar jınap beripti. Jalpy, ǵalymdarǵa 1,5 myń adam qarjylaı qoldaý bildirgen. Degenmen, dárigerler jańa qurylǵyny qoldamaı otyr. Olardyń paıymynsha, «uıqy kartasyn» tym jıi qoldaný densaýlyqqa zııan keltiredi.
Aıdar О́risbaev.
Derekkóz: Utro.ru.
Foto: B-port.com.
