Muratymyz – Máńgilik El

BÚKIL QAZAQTYŃ MÚDDESIN OILAǴAN

Elbasy Nursultan Nazarbaevtyń Qazaqstan halqyna joldaýlarynda memleketimizdiń aldaǵy ýaqyttaǵy damýynyń negizgi baǵyt-baǵdarlary jan-jaqty aıqyndalyp, jedel túrde júzege asyrylatyn maqsat-mindetter, is-sharalar naqty belgilenedi. Sonymen birge, bul mindet-maqsattardyń qandaı jolmen qolǵa alynyp, kimderdiń atqaratyny da taıǵa tańba basqandaı anyq kórsetiledi. Qazaq eliniń búgingideı joǵary qarqynmen ósip-órkendeýine, búkil álem tanyp, moıyndaǵan táýelsiz elge aınalýyna Elbasynyń osy joldaýlarynyń yqpal-áseri aıryqsha zor bolǵandyǵy daýsyz.

Elbasynyń bıylǵy jyldyń basynda jarııalanǵan «Qazaqstan joly – 2050: bir maqsat, bir múd­de, bir bolashaq» atty Jol­daýy da osy jaqsy dástúrdiń jańa biri kórinisi, zańdy jalǵasy. Osyǵan oraı, bul Joldaýdyń ózindik erekshelikterin de atap aıta ketken jón. Barshaǵa má­lim, Elbasynyń ótken jyly jarııalanǵan «Qazaqstan-2050» Strategııasynda Qazaqstandy álemniń eń damyǵan 30 memle­ketiniń qataryna qosý mindeti alǵa qoıylǵan bolatyn. Sodan bergi bir jyl ishinde Qazaqstanda Elbasynyń osy Strategııasynda belgilengen maqsat-mindetterin júzege asyrýǵa baılanysty aıtarlyqtaı kóp is tyndyryldy. Al bıylǵy Joldaý osy «Qazaqstan-2050» Strategııasyn júzege asyrýdy odan ári jedeldetý men kózdegen maqsatqa barynsha tezdetip jetýdiń joldary men múmkindikterin jan-jaqty qamtyp, naqtylaýǵa arnalǵan.

Bul rette, qazirgi zamanda qoǵam damýy buryn-sońdy baı­qalmaǵan zor qarqynmen, erekshe jyldamdyqpen alǵa basyp bara jatqanyn aıta ketý kerek. Iаǵnı, ótken bir jylda búkilálemdik qoǵamdastyqtyń saıası jáne ekonomıkalyq tynys-tirshiliginde tolyp jatqan ózgerister boldy, jer júziniń úlkendi-kishili memleketterinde kóptegen jańalyqtar oryn aldy. Bul ózgerister men jańalyqtar Qazaqstannyń da áleýmettik-ekonomıkalyq jaǵdaıyna belgili bir dárejede óz yqpalyn tıgizgeni anyq. Álemniń eń bedeldi memleket basshylarynyń biri retinde N.Nazarbaev osy ózgerister men jańalyqtardy únemi jiti qadaǵalap, olardyń nátıjelerin oı tarazysyna salyp, taldap, baǵalap otyr. «Qazaqstan-2050» Strategııasynan Elbasynyń asqan qaıratkerligi, eldiń búgini men erteńgi ósip-órkendeýin búkil álemniń damý baǵytyna der kezinde beıimdeı biletin kóshbasshylyq erekshiligi aıqyn ańǵarylady. Soǵan oraı, Qazaqstan Pre­zıdenti bıylǵy Joldaýynda da budan buryn jaryq kórgen strategııasynda belgilengen mindetterdi júzege asyrýdyń negizgi baǵyt-baǵdaryn jan-jaqty taldap, tereń naqtylap, sonyń nátıjesinde búgingi zaman talaby men ýaqyt aǵymyna baılanysty eń birinshi kezekte qolǵa alynýǵa tıis máselelerdi aıqyn kórsetip bergen. Bul oraıda Elbasynyń Máńgilik El bolýdy kózdeıtin uzaq merzimdi strategııany júzege asyrý jóninde naqty baǵdarlama usynǵanyn erekshe atap aıta ketken jón. Iаǵnı, Joldaýda elimizdi eń damyǵan 30 memlekettiń qataryna qosýdyń búkil múmkindikteri men alǵysharttary jan-jaqty qamtylǵan. Máńgilik El ıdeıa­sy qazaq halqynyń san ǵa­syr­lar boıy ańsaǵan armany ekendigi barshaǵa málim. Ata-babalarymyzdyń osy asyl armany elimiz táýelsizdik alyp, memleket tizginin Nursultan Nazarbaev ustaǵannan keıin túpkilikti jáne jan-jaqty júzege asa bastady. Osy kezeńde Qazaqstan Respýblıkasynyń quqyqtyq turǵydan resimdelgen jáne álemdik qoǵamdastyq biraýyzdan moıyndaǵan mem­lekettik shek­araǵa qol jet­kizgen edi. Búgingi kúni tarıhı shyn­dyqqa aınalǵan Máńgilik El ıdeıasynyń shekara birjolata anyqtalyp, belgilengen dál osy kezeńinen bastaý alatyny daýsyz. Iаǵnı, osy kúnnen bas­tap elimiz Tuńǵysh Prezıdent N.Nazarbaevtyń basshylyǵymen Máńgilik El ıdeıasyn júzege asyrýǵa nyq qadam basty. Jáne osy jyldarda Qazaqstan ómirdiń barlyq salasynda búkil álem moıyndaǵan aıtýly tabystarǵa qol jetkizdi. Elbasynyń Joldaýyna sheteldegi qazaq dıasporasy da aıryqsha qyzyǵýshylyq tanytyp otyr. О́ıtkeni, sheteldegi qazaqtar – qaı elde tursa da qazaq ultynyń quramdas bir bóligi. Soǵan oraı, qazaq halqynyń búgini men bolashaǵyna baılanysty qolǵa alynǵan kez kelgen is-shara jer júzindegi búkil aǵaıynǵa ortaq. Sondyqtan da olar Qazaqstannyń ataq-abyroıynyń asqaqtap, ekonomıkasynyń damı berýine tilektes. Onyń ústine, sheteldegi qazaqtar Nursultan Nazarbaevty Qazaqstan Respýblıkasynyń Prezıdenti ǵana emes, jer júzindegi búkil qazaqtyń basshysy retinde qadir tutady, Elbasy qolǵa alǵan árbir bastamaǵa ózderi de úles qosýdy armandaıdy. Demek, Elbasynyń Jolda­ýyn júzege asyrý jónindegi ıgilikti isterden Dúnıejúzi qazaqta­ry­­nyń qaýymdastyǵy da shet qalmaıdy. О́ıtkeni, Qaýymdastyqtyń Tór­aǵasy – Elbasy. Soǵan oraı, Elbasynyń qazaq halqynyń bolashaǵyna qatysty qolǵa alǵan is-sharalaryna Qaýymdastyq óz úlesin qosýǵa tıis. Bul rette, Qaýymdastyq shetelderdegi qazaq dıasporasy men Qazaqstannyń arasyn baılanystyratyn «altyn kópir» mindetin atqarady. Búgingi tańda Qazaqstan­nan­ syrt jerlerde 5 mıllıon­nan­ as­tam qazaq dıasporasy tu­­ra­­tynyn aıta ketken jón. Bul – bir memleket­tiń turǵyn­da­ryna para-par bolatyndaı adam. Ana tilimizdiń, ulttyq bol­my­sy­myzdyń qaıta jańǵy­rýy­na da shetelden kelgen oral­man aǵaıyndardyń qosqan úlesi óte mol. Demo­gra­fııalyq jaǵda­ıy­myzdyń jaqsaryp, halqymyz sa­nynyń ósýine de oralman aǵa­­ıyndar erekshe yqpal etti. Aldaǵy ýaqytta shetel qazaq­ta­ry­nyń Qazaqstannyń ósip-órken­deýine úles qosýyn budan da jaq­sartyp, jańa deńgeıge kóte­rý kerek. Buǵan qazir úlken múmkin­dik týyp otyr. Bul múmkindik Elbasy­nyń bıylǵy Jol­daýynan týyndaı­dy. Osyǵan oraı, Joldaýdy júzege asyrýǵa shet­eldik qazaqtardy da keńinen qatys­tyrý naqty qolǵa alynýy qa­jet. Shetel qazaqtary Joldaýdy júzege asyrýǵa Qazaqstanǵa bir­jolata qonys aýdaryp, oralman retinde, atamekende birjolata turaqtap qalý arqyly qatysa alady. Sondaı-aq, olardyń Qazaq­stanǵa ýaqytsha kelip, turaqty tirkelip, Yqtııar hat alyp, túrli salada jumys istep, ne oqý oqyp júrip te eli­mizdiń ósip-órken­deýine atsa­lysýǵa múmkin­dik­teri bar. Qazaq dıasporasy ókil­de­riniń shetelderde turyp ta, Qazaq­stanmen mádenı-rýhanı, oqý-bilim salasynda baılanys jasaý jolymen de búkil qazaq hal­qynyń birtutas ult retinde ósip-ór­kendeýine úles qosýyna bolady. Bul rette, sheteldik qazaq­tardyń Qazaqstanǵa turaqty qonys aýdarýynyń, ıaǵnı kóshi-qon máselesiniń mańyzy aıryq­sha. Jasyratyny joq, qazir oralmandar kóshi biraz báseńdedi. Biraq ony qaıta jandandyryp, turaqty júrgizýge tolyq múm­kindik bar. Búgingi tańda kóshi-qon máselesimen Eńbek jáne halyqty áleýmettik qorǵaý, Ishki ister, Ekonomıka jáne bıýdjettik josparlaý mınıstrlikteri aınalysady. Bul Qazaqstan Pre­zıdentiniń 2013 jylǵy 16 qań­tardaǵy №466 qaýlysynda atap kórsetilgen. Sondaı-aq, kóshi-qon jáne oralmandar máselesine Syrtqy ister, Bilim jáne ǵylym mınıstrlikteriniń de, jergilikti ákimdikterdiń de tikeleı qatysy bar. Mine, osy mınıstrlikter men ákimdikter etnostyq kóshi-qon jumystaryn belgili bir baǵyt-baǵdarlamamen birlese otyryp uıymdastyra bilse, shetel qazaqtaryn Máńgilik El ıdeıa­syn júzege asyrýǵa jan-jaqty qatystyrýǵa naqty múmkindikter týar edi. Elbasynyń Joldaýyn júzege asyrýǵa sheteldik qazaqtardy barynsha nátıjeli qatystyrý úshin olarmen turaqty baılanys jasap, atajurttyń jaqsy jańalyqtary men mańyzdy bas­tamalaryn der kezinde jetkizip, tanystyryp otyrý qajet. Bul jumystardy qazir, negizinen, Dúnıejúzi qazaqtarynyń qa­ýym­dastyǵy atqaryp keledi. My­saly, Qaýymdastyq jyl saıyn Elbasynyń Joldaýyn túrik, mońǵol jáne basqa da tilderge aýdaryp, sheteldegi qazaqtarǵa der kezinde nasıhattap, jetkizip otyrady. Qazaqstanda ǵana emes, alys-jaqyn shetelderde de túrli konferensııalar, dóńgelek ústel jıyndary men ózge de mádenı sharalar uıymdastyrady. Bul úrdis bıyl da óz jalǵasyn taýyp, shetelderdegi qazaqtarǵa uǵynyqty bolý úshin Elbasynyń Joldaýynyń kırıllısadan bólek, latyn jáne tóte jazýmen shyǵarylǵan nusqalary jeke kitapsha bolyp basylyp, taratylatyn bolady.  Qaýymdastyqtyń mundaı is-sharalaryna Mádenıet mınıstrligi men Baılanys jáne aqparat agenttigi jáne «Samuryq-Qazyna» ulttyq ál-aýqat qory únemi qoldaý kórsetip keledi. Mundaı is-sharalar men túrli basqosýlarda shetelderdegi qazaq dıasporasynyń ózekti máselelerin bir júıege túsirip, zerdeleýge aıryqsha kóńil bólinedi. Jáne ol is-sharalardyń nátıjeleri Qaýymdastyqtyń «Altyn besik» jýrnaly men «Týǵan til» almanaǵynda, basqa da respýblıkalyq basylymdarda únemi jarııalanyp turady. Sheteldegi qazaq jastaryn Qazaqstanǵa ákelip daıyndyq bólimderinde oqytý men joǵary oqý oryndaryna qabyldaý jó­ninde de aıtarlyqtaı jaqsy ister júzege asýda. Mysaly, joǵa­ry oqý oryndaryna arnalǵan memlekettik granttyń 2 paıy­zy shetelderdegi ulty qazaq jas­tarǵa berilip keledi. Qaýymdastyqtyń janynda shetel qazaqtarynyń keshegi tarıhy men búgingi jaǵdaıyn zertteýmen aınalysatyn arnaıy Taldaý ortalyǵy bar. Bul Ortalyq shetelderdegi qazaqtar tyǵyz ornalasqan óńir­lerge únemi arnaıy ekspedısııalar uıymdastyryp turady. Taldaý ortalyǵy soń­­ǵy ýaqytta qazaq dıasporasy máselelerine arnalǵan túrli ǵy­lymı-tájirıbelik kon­feren­sııalar ótkizýdi de jaqs­y dás­túrge aınaldyrdy. Shet­el­degi aǵaıyndarmen baılanys jasaýda Qaýymdastyqtyń janyndaǵy www.qazaq-aIemi.kz veb-saıty da oıdaǵydaı jumys isteýde. Sózimizdi qorytyndylaı kele aıtarymyz, Elbasynyń bıylǵy Joldaýy – jer júzindegi búkil qazaqqa tikeleı qatysy bar mańyzdy qujat. Soǵan oraı, Joldaýdy júzege asyrýǵa alys-jaqyndaǵy aǵaıyndar belsene atsalysatyn bolady. Talǵat MAMAShEV, Dúnıejúzi qazaqtary qaýymdastyǵy Tóraǵasynyń  birinshi orynbasary. ALMATY.  

ARMANYMYZ DA, TILEGIMIZ DE BIR

Reseıdegi 1 mıllıonǵa jýyq qazaqtyń júregi de Qazaqstan dep soǵady. Olardyń armany da, tilegi de qazaqstandyqtarmen birdeı. Sondyqtan Qazaqstan Prezıdenti Nursultan Nazarbaevtyń damyǵan 30 eldiń qataryna kirýge baǵyttalǵan 2050 jylǵa deıingi Qazaqstannyń Damý strategııasynyń josparyn aıqyndaǵan bıylǵy Joldaýyn biz de úlken qýanyshpen qabyldadyq. Onda Elbasy qazaqtyń ulttyq ıdeıasy týraly kópten beri jurtshylyq arasynda qyzý talqylanyp kele jatqan pikirsaıysqa núkte qoıdy. «Qazaq eliniń ulttyq ıdeıasy – Máńgilik El. Biz ózgeniń qateliginen, ótkenniń taǵylymynan sabaq ala bilýge tıispiz. Ol sabaqtyń túıini bireý ǵana – Máńgilik El bolý bizdiń óz qolymyzda. Bul úshin ózimizdi únemi qamshylap, udaıy alǵa umtylýymyz kerek», degen Nursultan Ábishulynyń sózi álemniń túkpir-túkpirinde júrgen 5 mıllıon qazaqtyń báriniń de kóńilinen shyqty dep oılaımyn. Osy arada kóńilde júrgen myna bir jaǵdaıdy aıta ketsem deımin. Áli kúnge deıin Qazaqstandaǵy baspasóz quraldarynan da, Úkimettiń laýazymdy tulǵalarynyń sóılegen sózderinen de Reseıdegi qazaq dıasporasy degendi jıi estımiz. Jalpy, sheteldegi qazaqtar negizinen taǵdyr taýqymetimen bir kezderi atajurttan eriksiz jat jerge ketýge májbúr bolǵandar deıtin bolsaq, Reseı qazaqtarynyń jaǵdaıy olardan ózgesheleý. О́ıtkeni, olar dıaspora emes. Ata-babalarynyń sonaý erte zaman­­dardan beri kir jýyp, kindik qa­ny tamǵan tý­ǵan jerinde tu­ryp kele jatyr. Sondyqtan da olar shekara bó­lisi kezinde syrt jaqta qalyp qoı­sa da áli kúnge deı­in Qazaqstanǵa qo­nys aýdarýǵa asa qulshynyp jatqan joq. Bul – «О́li razy bolmaı, tiri baıymaıdy» dep sanaı­tyn jáne týǵan jerdi erekshe qasterleıtin qazaqtyń qanyna sińgen asyl qasıetiniń bir kórinisi. Ony saýdaǵa salý eshbir qısynǵa kelmeıdi. Biz qazir Reseı dep atalatyn eldiń azamaty bolǵanymyzben, qazaqtyqtan qor bolyp júrgen joqpyz. Qaıta arqamyzda Qazaqstan degen táýelsiz memlekettiń baryn maqtan tutamyz, Qazaqty Máńgilik Elge bas­taıtyn, eń mártebeli jol bolyp otyrǵan «Qazaqstan-2050» Strategııasynyń júzege asýyna biz de óz úlesimizdi qosa alamyz. El men eldiń arasyndaǵy saýda-sattyq pen barys-kelis qatynasta Reseı qazaqtarynyń rólin eshkim eshqashan joqqa shyǵara almaıdy. Máselen, Omby oblysyndaǵy tuńǵysh ulttyq mádenı ortalyq sanalatyn «Móldir» qazaq mádenı ortalyǵynyń 25 jyldyq mereıtoıy aıasynda Ombyda 12 aqpanda «Mádenıet ǵarysh sııaqty. Kıiz úı – kóshpendiler ǵaryshy» dep atalatyn kórme ashty. Maýsym aıyna deıin ony ulty men dinine qaramastan, óńirdegi barlyq bilim berý mekemeleriniń oqýshylary kelip tamashalamaq. Budan bólek, 12-13 aqpan kúnderi Reseıdiń eńbek sińirgen mádenıet qaıratkeri Amangeldi Shákenovtiń «Týyp-ósken keńistik» degen taqyryptaǵy jeke kórmesi, toǵyzqumalaq týrnırin, «Móldir saz» dep atalatyn konsert qoıdyq. Endi mamyr aıynda «Eýrazııalyq keńistiktegi qazaqtar: tarıhy, mádenıeti jáne áleýmettik-mádenı úderisteri» atty halyqaralyq ǵylymı-tájirıbelik konferensııa ótkizgeli otyrmyz. Al maýsymda Er Jánibek batyrdyń 300 jyldyǵyna oraı dás­túrli «Toı dýman» mádenıet jáne sport mere­kesi ótpek. Mundaı sharalardy Reseı qazaq­tarynyń federaldyq ulttyq-mádenı avtonomııasyna qarasty uıymdar qazaqtar turatyn barlyq jerde uıymdastyratyn bolady. Altynaı JÚNISOVA, Omby qalasyndaǵy «Móldir» qazaq mádenı ortalyǵynyń Sibir aımaqtyq ortalyǵy keńesiniń tóraıymy. Reseı Federasııasy.  

ORTAQ MAQSATQA JUMYLDYRADY

Qazaqstan Pre­­zı­denti, Dúnıejúzi qa­­zaqtary qaýym­das­­­­­­­­tyǵynyń Tór­­aǵasy Nur­sultan Na­­zar­baev­tyń «Qa­­­zaq­stan jo­ly – 2050:­ bir maq­sat, bir múdde, bir bolashaq» Jol­­­­daýyn shetelderdegi qazaqtar da qazir óz ortasynda qyzý­ talqylaýda. So­­­­­­­lar­­­dyń qatarynda Túrkııa­­­daǵy qandastar da bar. Jal­py, El­­ba­synyń bıylǵy Jol­­­daýy Túrkııanyń 50-den astam bu­qa­­ra­lyq aqparat qural­da­ryn­da jaryq kórip, keıbir ba­sy­lym­­dar, tipti, oǵan bir emes, bir­­­­ne­she nómirin arnady. So­­­nyń ar­qa­­synda týysqan túrik hal­­qy da Qazaqstannyń 2050 jyl­­ǵa de­ıin­gi damý josparymen keńinen tanysýǵa múmkindik aldy. Bizdiń pikirimizshe, eldik mu­rat­ty kózdeıtin Joldaý eń aldy­men ult pen ulysty ortaq múd­­­dege jumyldyrady. Ekinshi, qa­zaq halqy men Qazaqstannyń álem­niń ozyq elderi qatarynan oryn alýynyń joldaryn qa­ras­tyrady. Basqa sózben aıt­qan­da, Prezıdenttiń kózdegeni Qazaqstan men qazaqtardyń brend­ke aınalýy. О́ıtkeni, Jol­daý­dyń mazmunyna kóz júgir­ter bolsaq, onda nanotehnolo­­­­gııalar jaıly aıtylǵan. Medı­sı­na ǵylymynyń damýy, eko­­nomıka, aýyl sha­rýashylyǵy sa­­­la­­larynyń sapasyn ozyq tehnologııamen kóterý jáne eń mańyzdysy, týrızm salasynda Qazaqstan qaýipsiz elge jáne adamdar úshin jaıly orynǵa aınalsyn degen ıdeıalar or­ta­ǵa salynyp jatyr. Nátıjesinde Qa­zaqstannyń bas­ty nysanasy – álem­degi ozyq 30 eldiń qataryna kirý. Munyń barlyǵy, qory­tyn­dylap aıtqanda, qazaq hal­qy­­­nyń brendke aınalýy dep bile­min. Elbasynyń «Ana tili­miz Máńgilik Elimizben birge Máń­gilik til boldy» dege­nin­deı, Túrkııa qazaqtary ulttyń uly qundylyǵy sanalatyn ana tili­mizdi ulttyń uıytqysyna aınal­dyrýdy tolyq qoldaıdy. Dúnıejúzi qazaqtarynyń qaýym­dastyǵy jyl saıynǵy joldaý­lardy da birneshe tilge aýdaryp, ony kitap etip shyǵaryp, tara­­typ keledi. Túrkııadaǵy jas jetkinshekter óz ana tilin bilmeı­di desek, artyq aıtqandyq emes. Solar úshin túrik tilindegi nus­qasy óte qajet. Ári qaraı da nası­hat jumystary júrgizile bermek. Ábdýaqap QARA, Túrkııanyń Mımar Sınan kórkemóner ýnıversıtetiniń professory, tarıh ǵylymdarynyń doktory. YSTAMBUL.  

QAZAQSTANNYŃ ABYROIYN ASQAQTATQAN

«Baılyǵymyz da, baqytymyz da bol­­­­ǵan Máńgilik Táýel­­­siz­­­digimizdi kózdiń qa­­­­rashyǵyndaı saq­­­­­taı bilýmiz kerek. «Qa­zaq­stan-2050» – Máń­gi­lik Elge bastaıtyn eń abyroıly, eń már­tebeli jol», de­gen El­basynyń sózi­nen óz basym úlken áser aldym. О́ıtkeni, Qazaqstannyń táýel­sizdigi men damýynyń baıandy bolýy, álemniń damyǵan 30 eliniń qataryna qosylýy shetelderde turatyn qazaqtar úshin de óte mańyzdy. Shetelderdegi qazaqtar muny ár ýaqyt qoldap-qýattaıdy. Joldaýda atap ótilgendeı, «Máńgilik Elimizben birge Máńgilik til bolǵan» ana tilimizdiń de kórkeıe beretindigine, mártebesiniń óse beretindigine tolyq senemiz. Osy oraıda, qazaq tiliniń qoldanylý aıasynyń jyl ótken saıyn keńeıýi, qazaq tilin úırengen basqa ult ókilderi sanynyń ósip kele jatýy, memlekettik tildiń damýyna arnaıy qarjy bólinýi sııaqty qadamdar qýantady. Endigi másele qazaq azamattarynyń táýelsizdiktiń negizgi tiregi – memlekettik tildiń mártebesin odan ári kóterip, qas­­­­terlep, qoldanylý aıasyn keńeıtýge meılinshe kúsh salyp, kóńil bólýlerine qatysty bolyp otyr. Bul týraly Joldaýda Elbasy memlekettik tildi « ...daýdyń taqyryby emes, ulttyń uıytqysy ete bilgenimiz jón», dep tamasha baıandaǵan. Qazaqtyń máńgilik ǵumyry urpaqtyń máńgilik bolashaǵyn baıandy etýge arnalatynyn, endigi urpaq – máńgilik qazaqtyń perzenti. Al Qazaq eliniń ulttyq ıdeıasy – Máńgilik El ekenin júrekke jetkizgen. Bul álemdik qoǵam­dastyq pen ondaǵy kúlli jurt­­shy­lyq tarapynan oń baǵasyn alýda. Ony biz kúnde kózben kórip, qulaqpen estip júrgendikten, qazaqtyǵymyzdy kóńilimizge demeý qylyp, mereıimiz tasyp, árdaıym qýanyshtan júregimiz jarylardaı bir marqaıyp qalamyz. Endi aldaǵy shilde aıyn­­­da Berlınde ótetin Eýropa qazaq­tarynyń quryltaıynda Máńgilik El bolýdy maqsat tutqan Qazaq­­­­stannyń 2050 jylǵa deıingi Damý strategııasynyń is-josparyna bizdiń de atsalysatyn tustarymyz jan-jaqty sóz bolatyn bolady. Ásirese, álemniń ozyq 30 eliniń qataryna kirýge umtylǵan Qazaqstan úshin Eýropadaǵy jetekshi memleketterde turyp jatqan jáne onda túrli salada qyzmet etip júrgen qazaqtardyń qosar úlesi az bolmasy kúmánsiz. Abdýlkaıym KESIJI, saıasattaný ǵylymdarynyń doktory, Eýropa qazaq qoǵamdary federasııasynyń tóraǵasy. MIýNHEN.