«Azamattarǵa medısınalyq uıymdardyń aldaǵy jańa jyldyq merekelerde qalaı jumys isteıtini týraly aqparat bergim keledi. Alǵashqy medısınalyq-sanıtarlyq kómek uıymdarynda mereke kúnderi halyqqa medısınalyq kómekti kezekshi dárigerler kórsetetin bolady», dedi Tımýr Muratov.
MSAK uıymdarynda pasıentterdi qabyldaý 1 qańtar men 4 qańtar jáne 7 qańtar aralyǵynda saǵat 8:00-den 18:00-ge deıin júzege asyrylatyny atap ótildi.
«Jalpy praktıka dárigerleri ǵana kezekshilikte bolady, merekelerde basqa mamandarǵa júginý múmkin bolmaıdy. Sondaı-aq, súzgi-kabınetter, ambýlatorııalyq pasıentterge úıge barýdy júzege asyratyn mobıldi brıgadalar úzdiksiz jumysty jalǵastyrady, PTR ádisimen testileýdi ótkizý toqtatylmaıdy. Súzgi-kabınetterde kezekshi dárigerler keste boıynsha tańǵy 8-den keshki 8-ge deıin jumys isteıtin bolady. Ambýlatorııalyq naýqastarǵa 8:00-den 16:00-ge deıin qyzmet kórsetiletin bolady», dep naqtylady Tımýr Muratov.
Onyń aıtýynsha, qalalyq stasıonarlar azamattardy táýlik boıy qabyldaýdy jalǵastyrýda.
«Árıne, merekelik demalys kúnderin eskere otyryp, barlyq elordalyq aýrýhanalar rezervtik beıindi palatalar bóle otyryp, shuǵyl medısınalyq kómek kórsetý úshin kúsheıtilgen jumys rejımine kóshedi. Aıta keteıin, jedel jáne konsýltasııalyq kómek kórsetý úshin stasıonarlyq kómekti joǵary bilikti mamandar usynatyn bolady. 103 qyzmeti de ótinishterdi qabyldaý jáne qala turǵyndarynyń shaqyrýlaryna qyzmet kórsetý boıynsha óz jumysyn toqtatpaıdy», dep qosty Tımýr Muratov.
