Qazaqstan • 29 Jeltoqsan, 2021

Almatydaǵy jaǵdaıdan keıin Qazaqstandaǵy balabaqshalardyń jumysy tekseriledi

72 ret kórsetildi

Jaqynda Almatyda oryn alǵan TJ-dan keıin Qazaqstandaǵy balabaqshalardyń jumysy tekseriletin bolady. Bul týraly QR Bilim jáne ǵylym mınıstrligi habarlady, dep jazady Egemen.kz.

«Almatydaǵy balabaqshalardyń jumysyn arnaıy komıssııa tekseredi. Onyń quramyna bilim berý salasyndaǵy sapany qamtamasyz etý departamentiniń ókilderi, sarapshylar, ádiskerler men qoǵam qaıratkerleri kiredi. Osyndaı jumys elimizdiń basqa óńirlerinde de júrgiziletin bolady», dedi QR BǴM baspasóz qyzmeti.

Komıssııa músheleri mektepke deıingi uıymdardaǵy jaǵdaı men balabaqsha qyzmetkerleriniń jumysy sapa standarttaryna sáıkestigin tekseredi.

«Balabaqshalarda 100% qaýipsiz bolýy kerek. Jýyrda Almaty qalasynyń eki mektepke deıingi uıymdarynda bolǵan jaǵdaılarǵa jol berilmeý kerek. Balabaqshalar ákimdikterdiń qaramaǵynda, bul rette buzýshylyq jaǵdaılarynyń basym kópshiligi jeke balabaqshalarda tirkeledi. Biraq qaýipsizdikti menshik nysany men baǵynystylyǵyna qaramastan qamtamasyz etý qajet», dep qosty Bilim jáne ǵylym salasyndaǵy sapany qamtamasyz etý komıtetiniń tóraıymy Gúlzat Kóbenova.

Onyń aıtýynsha, osy jyldyń qyrkúıegine deıin mektepke deıingi uıymdardyń qyzmetin memlekettik baqylaý tetikteri múldem bolǵan joq.

«Balabaqshalar, barlyq basqa bilim berý uıymdaryna qaraǵanda, lısenzııalaýdan bosatyldy, habarlamalar arqyly ashylyp, buryn júrgizilgen memlekettik baqylaý men attestattaýdan bosatyldy. Tek bıylǵy jyly ǵana biz barlyq balabaqshalardy memlekettik tekserý ınstıtýtyn zańdy túrde engize aldyq. Osyǵan baılanysty narazylyq kóp boldy. Jeltoqsan aıynyń basynda biz teksergen balabaqshalardyń 80%-y bilim berý qyzmetine qoıylatyn talaptarǵa sáıkes kelmeýine baılanysty memlekettik attestattaýdan ótpegenin habarladyq», dep qosty Gúlzat Kóbenova.

Sondaı-aq, ol komıtet memlekettik tapsyrysty jeke baqshalarǵa ornalastyrýǵa, tárbıeshilerdiń biliktiligine jáne qaýipsizdik máselelerine qoıylatyn talaptardy kúsheıtetinin habarlady.

«Sondaı-aq, mektepter men balabaqshalarda pedagogıkalyq jumysqa alǵash kiriskenderdiń biliktiligin táýelsiz tekserý týraly talap engiziledi», dedi ol.

Eske sala ketsek, jaqynda áleýmettik jelilerde Almaty balabaqshalarynyń birinde balalarǵa qatygezdik kórsetken tárbıeshi týraly vıdeo paıda bolǵan. Atalǵan fakt QR QK 140-baby 2-bóligi boıynsha SDTBT-de tirkeldi. Keıinirek muǵalim ózine qol jumsaǵany belgili boldy.

Sońǵy jańalyqtar

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Shýchınskide bazar órtendi

Oqıǵa • Búgin, 09:27

Ań patshasy kóbeıdi

Ekologııa • Búgin, 07:42

Uqsas jańalyqtar