Sanıtarııa dárigerleri qala boıynsha 2021 jyldyń 11 aıynda qyzylsha aýrýyn juqtyrǵan 1282 derek tirkelgenin aıtty. Keıingi jyldyń osy kezeńimen salystyrǵanda juqtyrǵandar 30 paıyzǵa tómendegeni baıqalady. Alaıda bul statıstıkada jeltoqsan esepke alynbaǵan.
«14 jasqa deıingi balalar áli de qyzylshamen aýyrady, olardyń úlesi - 87,4 paıyz, jasóspirimder - 1 paıyz, eresekter arasynda - 11,6 paıyz. Megapolıste qyzylsha aýrýy boıynsha epıdemıologııalyq jaǵdaı turaqty», dedi departament ókili.
Departament tarapynan barlyq oshaqta epıdemııaǵa qarsy is-sharalar, sonyń ishinde halyqqa túsindirý jumystary júrgizilgen. Medısınalyq uıymdardyń qyzmetkerleri aýyrǵan adammen baılanysta bolǵandardy baqylap, barlyq naýqasqa sımptomatıkalyq emdeý taǵaıyndaǵan.
«Aýrýǵa qarsy naqty shara joq. Halyqqa spesıfıkalyq emes profılaktıkanyń jalpy sharalaryn saqtaý qajet: adam kóp jınalatyn oryndarǵa barmaý, qoǵamdyq oryndarǵa barǵan kezde betperde taǵý, úı-jaıdy jıi jeldetý jáne qol jýý. Sondaı-aq, ata-analarǵa aýrý belgileri bar balalardy kópshilik jerge, mektepterge jibermeýge keńes beremiz», dep eskertti sanıtarııa dárigerleri.
