«2022 jyly KSRO Halyq ártisi, Qazaqstannyń Halyq qaharmany, keńestik, qazaq opera jáne estrada ánshisi Roza Baǵlanovaǵa 100 jyl tolady. Osyǵan oraı, nomınaly 100 teńgelik melhıordan jasalǵan monetalar «Asa kórnekti oqıǵalar men adamdar» serııasyn jalǵastyrady», dep jazdy QR Ulttyq Bankiniń baspasóz qyzmeti.
Monetalardyń aversindegi ortalyq bóliginde Qazaqstan Respýblıkasynyń Memlekettik eltańbasy beınelengen. Eltańbanyń sol jáne oń jaǵynda ulttyq oıý-órnek elementteri ornalasqan. Aınaldyra QAZAQSTAN ULTTYQ BANKI • NATIONAL BANK OF KAZAKHSTAN degen jazý bar. Tómengi bóliginde monetanyń nomınalyn bildiretin 100 TEŃGE jazýy bar.
Monetanyń reversinde Roza Baǵlanovanyń portrettik beınesi, portrettiń sol jaǵynda mereıtoılyq kúndi bildiretin 100 JYL degen jazý ornalasqan. Monetanyń aınaldyra jaǵynda «Ah, Samara-gorodok» týyndysyna nota, ROZA BAǴLANOVA jazýy, daıyndalǵan jylyn bildiretin «2022» jazýy ornalastyrylǵan.
Kolleksııalyq monetalardyń salmaǵy 15 gramm, dıametri 33 mm, sapasy brilliant uncirculated, nomınaly 100 teńge, taralymy 15 000 dana melhıor MN 25 qorytpasynan daıyndalǵan.
«Monetalar kolleksııalyq quny boıynsha satýǵa arnalǵan. Olar Qazaqstan Respýblıkasynyń búkil aýmaǵynda tólemderdiń barlyq túrleri boıynsha, sondaı-aq bank shottaryna esepteý úshin, Qazaqstan Respýblıkasynyń barlyq bankterinde aýdarý, bólý jáne aıyrbastaý úshin ózderiniń belgilengen quny boıynsha qabyldaýǵa mindetti», dep qosty QR Ulttyq Bankiniń baspasóz qyzmeti.
Monetalardy satý kúni týraly aqparat QUB resmı saıtynda ornalastyrylady.
