Sondaı kásipkerdiń biri – «Altyn» jeke kásipkerliginiń dırektory Altynbek Dúısembıev. Inder aýdanynda turatyn jas kásipker bıyl sabyn shyǵaratyn shaǵyn seh ashty.
Elimizdiń táýelsizdik alǵan jyldar ishinde elimizde oń ózgerister bolyp, tolymdy jetistikterge qol jetti. Otandyq ekonomıkanyń ár salasy qarqyndy damý jolyna tústi. Onyń ishinde shaǵyn jáne orta bıznes te bar. Osy salany órkendetýge úlesimdi qosýǵa bel baıladym. Sóıtip, Táýelsizdiktiń 30 jyldyq mereıtoıyna tartý etkim keldi, – deıdi A.Dúısembıev.
Onyń aıtýynsha, kir sabyn shyǵarý úshin biraz izdenýine týra kelipti. Shaǵyn sehqa qajetti arnaıy qurylǵylardy ornatqan. Al jaqynda 4 mln 700 myń teńge kóleminde qaıtarymsyz grant aldy.
– Kir sabyn qospasynyń basym bóligi – kádimgi kúnbaǵys pen maldyń ish maıy. Aýyldaǵy fastfýd daıyndaıtyn dúńgirshekterden qaınatylǵan kúnbaǵys maıyn jınaımyz. Ony arnaıy ydysta qaıtadan qaınatyp, úlken qazanǵa quıamyz. Qazandaǵy maıǵa qajetti qospalardy qosyp, ábden aralastyramyz. Qoımaljyń qospa ábden nyǵyzdalyp, arnaıy pishinge keltiretin qurylǵyǵa aýystyrylady. Kádimgi kir sabyn osylaı daıyndalady, – deıdi ol.
Endi jas kásipker qaıtarymsyz grant qarjysyna taǵy da jańa qurylǵylar alýdy kózdep otyr.
Atyraý oblysy
