Ázerbaıjan BAQ ókilderi oqıǵanyń ózine qol jumsaý nusqasyn jarııalady.
Ázerbaıjannyń Haqqin.az aqparat agenttigi málimetinshe, ekıpaj músheleri bortmehanık Zahır Mastıev sapar kezinde otbasylyq jaǵdaıyna shaǵymdanyp, ony sheshý úshin ýaqytsha aýystyrýdy suraǵanyn aıtqan. Oǵan portqa oralǵannan keıin kemeden ketýge ruqsat berilgen.
«Ázerbaıjan Kaspıı teńiz keme sharýashylyǵy» (Azerbaijan Caspian Shipping Closed Joint-Stock Company) baspasóz qyzmetiniń basshysy Mehman Mehtıevtiń aıtýynsha, parom 28 jeltoqsanda Alıat portynan shyǵyp, 29 jeltoqsanda qolaısyz aýa raıy jaǵdaıyna baılanysty Quryq mańyndaǵy reıdte aıaldaǵan.
«30 jeltoqsanda saǵat 8.45 shamasynda 1981 jyly týǵan úshinshi mehanık Zahır Askeralı ogly Mastıev kemeden teńizge sekirip ketti. Keme ekıpajy dereý qutqarý sheńberlerin sýǵa laqtyryp, qaıyqty sýǵa túsirdi. Alaıda, ol kómekten bas tartqan», dep jazady basylym.
Oqıǵaǵa baılanysty Qazaqstan men Ázerbaıjan qurylymdary habardar etilgen. Zahır Mastıevti izdeý jumystary júrgizilip jatyr.
Aıta keteıik, buǵan deıin Mańǵystaý oblysynyń Tótenshe jaǵdaılar departamenti qutqarýshylar bortmehanıkti izdestirip jatqany habarlanǵan bolatyn.
