Oqıǵa • 01 Qańtar, 2022

Roza Baǵlanovanyń 100 jyldyǵy IýNESKO deńgeıinde atalyp ótedi

2881 ret kórsetildi

Búgin KSRO men Qazaqstannyń halyq ártisi, Halyq qaharmany, keńestiń jáne qazaqtyń opera jáne estrada ánshisi Roza Baǵlanovanyń týǵanyna 100 jyl toldy, dep habarlaıdy Egemen.kz.

Roza Baǵlanova 1922 jyly 1 qańtarda Qyzylorda oblysynyń Qazaly óńirinde týǵan.

1941 jyly Qyzylorda pedagogıkalyq ınstıtýtyn bitirip, óner jolyn Tashkent fılarmonııasynyń án-bı ansamblinde ánshi bolyp bastady. Ol sol ansambl qatarynda Ekinshi dúnıejúzilik soǵys jyldary maıdan dalasynda óner kórsetip, 1945 jyly 9 mamyrda Berlındegi jeńis konsertine qatysqan.

1947-1949 jyldary Qazaq opera jáne balet teatrynyń, 1949-1960 jyldary – Qazaq fılarmonııasynyń, 1960 jyldan beri – Qazaqkonserttiń ánshisi bolyp, ulttyq án ónerin damytýǵa zor úles qosqan.

1946 jyly Máskeýde ótken búkilodaqtyq estrada ánshileri konkýrsynyń dıplomaty, 1949 jyly Býhareste ótken búkil dúnıejúzilik Jastar men stýdentterdiń 2-festıvaliniń laýreaty atandy. Lenın, Eńbek Qyzyl Tý, «Halyqtar dostyǵy» ordenderimen, «Shapaǵat» medalimen marapattalǵan.

Roza Baǵlanova 2011 jyly 8 qańtarda Almaty qalasynda 89 jasynda dúnıeden ótti. Ánshiniń oryndaýyndaǵy Abaıdyń «Jelsiz túnde jaryq aı», kompozıtor M. Tólebaevtyń aqyn óleńine jazǵan «Qaqtaǵan aq kúmisteı keń mańdaıly», S. Muhamedjanovtyń «Jarq etpes qara kóńlim ne qylsa da», «Qıystyryp maqtaısyz» ánderi Qazaq radıosynyń qorynda saqtaýly, onyń oryndaýyndaǵy ánder birneshe ret kúıtabaqqa jazylyp, qazaq mýzyka mádenıetiniń altyn qoryna qosylǵan.
О́tken jyly 24 qarashada IýNESKO-nyń (BUU Bilim, ǵylym jáne mádenıet jónindegi uıymy) 2022-2023 jyldarǵa arnalǵan halyqaralyq mereıtoılar tizimi qabyldanyp, oǵan Qazaqstannyń usynysymen Ahmet Baıtursynulynyń 150 jyldyǵy men Roza Baǵlanovanyń 100 jyldyǵy endi. Osylaısha, Qazaqstannyń qos ańyz tulǵalarynyń mereıtoılary IýNESKO kóleminde atalyp ótedi.

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar