«Memleket basshysynyń qarjy júıesin turaqtandyrýdy qamtamasyz etý boıynsha tapsyrmasyn oryndaý barysynda Qazaqstannyń Ulttyq banki Sıfrlyq damý, ınnovasııalar jáne aeroǵarysh ónerkásibi mınıstrligimen jáne basqa da múddeli memlekettik organdarmen birlesip, ekinshi deńgeıli bankterdiń mobıldi qosymshalaryn qalpyna keltirý boıynsha jumystar júrgizdi», delingen habarlamada.
Oǵan sáıkes, elimizdegi iri bankterdiń - Halyk Bank (Homebank qosymshasy) pen Kaspi.kz klıentteri mobıldi qosymshalardy ınternetke kirmeı-aq qoldana alady. Ol úshin mobıldi baılanys bolýy shart. Sonyń ishinde, Almaty qalasynyń turǵyndaryna da bank qosymshalary qoljetimdi.
Turǵyndar ádettegideı qosymsha arqyly esep aıyrysyp, mobıldi tólemder jáne basqa da qajetti operasııalar júrgize alady.
Qazirgi ýaqytta basqa da ekinshi deńgeıli bankterdiń mobıldi qosymshalaryn qalpyna keltirý jumysy júrip jatyr.
