Bul týraly Jusan Bank jáne VTB Bank málimdedi
«Jusan Bank terrorızmge qarsy operasııalar jáne qoǵamdyq tártipti retteý kezinde qaza bolǵan áskerıler men quqyq qorǵaý qyzmetkerleriniń otbasyna qaıǵyra kóńil aıtady. Qaza bolǵan qyzmetkerlerdiń banktegi barlyq kredıti keshiriledi.
Jusan Bank TJ jaǵdaıynda bank jáne mobıldi qosymsha jumysyndaǵy irkilisterge baılanysty klıentter tólemine aıyppul jáne ósimpul salý toqtatylatynyn habarlaıdy.
Jusan Bank-tyń barlyq ishki júıesi jumys istep tur. Bank jumysy kezeń-kezeńimen qosylady. Qazirgi ýaqytta Qazaqstan boıynsha bankomat júıesi tolyq jumys istep tur. Mobıldi qyzmet iske qosylǵan», dedi bank ókilderi.
VTB Bank qaza bolǵan áskerıler men polıseıler otbasyna kóńil aıtyp, olardyń barlyq kredıti keshiriletinin habarlady.
«Sondaı-aq, bank 2022 jylǵy 5-19 qańtar TJ kezeńinde zańdy jáne jeke tulǵalarǵa kredıt boıynsha aıyppul jáne ósimpul salmaıdy. Salymshylar qarjysy tolyq saqtalǵan. VTB Bank Qazaqstan boıynsha jaǵdaı turaqtalyp, Internet jelisi tolyq qosylǵanyna qaraı shtattyq rejımdegi jumys kestesine aýysady», dedi kompanııa ókili.
Alfa-Bank baspasóz qyzmeti de qaza bolǵan polıseıler men áskerıler otbasynyń kredıti keshiriletinin málimdedi.
«Alfa-Bank Qazaqstan qyzmettik mindetin atqarý kezinde qaza bolǵan polıseıler men áskerıler otbasynyń kredıtin keshiredi», dedi Alfa-Bank bas dırektory Andreı Tımchenko.
Eske salaıyq, buǵan deıin bank 2022 jylǵy 5-19 qańtar TJ kezeńinde zańdy jáne jeke tulǵalarǵa kredıt jáne Alfa Black kartasy boıynsha tólem merzimi ótip ketýine baılanysty aıyppul jáne ósimpul eseptelmeıtinin habarlaǵan bolatyn.
Buǵan deıin Halyk Bank jappaı tártipsizdik kezinde qaza bolǵan quqyq qorǵaý qyzmetkerleri otbasyna 5 mıllıon teńgeden beretinin habarlaǵan bolatyn. Al «SentrKredıt» qaza bolǵandar otbasyna mıllıon teńgeden beredi. Sondaı-aq, Evrazııskıı bank te qaza bolǵandar kredıtin keshiretinin habarlaǵan edi.
