5 qańtar kúni Qyzylorda qalasyndaǵy jappaı tártipsizdik saldarynan polısııa qyzmetkerleri jaraqat alyp, bir áskerı qyzmetshi aýyr dene jaraqatymen oqıǵa ornynda qaıtys bolǵan edi.
Qyzylorda oblysy polısııa departamentiniń baspasóz qyzmeti atalǵan fakti boıynsha Qazaqstan Respýblıkasy Qylmystyq kodeksiniń 99-baby 2-bóliginiń 15-tarmaǵy (jappaı tártipsizdik kezinde adamnyń qaza tabýy) jáne 380-1-baby 2-bóliginiń 5-tarmaǵy (áskerı qyzmetshiniń ómirine, basqa adamdardyń ómirine qaýipti tásilmen qol suǵý) boıynsha sotqa deıingi tergeý bastalǵanyn habarlady.
«Arnaıy is-sharalar nátıjesinde polısııa qyzmetkerleri sarbazdy óltirdi degen kúdikpen Qyzylorda qalasynyń 31 jastaǵy turǵynyn ustap, ýaqytsha ustaý ızolıatoryna qamady», dep atap ótti vedomstvonyń baspasóz qyzmetinde.
Búgingi tańda atalǵan is boıynsha tergeý jalǵasýda. «Tergeý qupııasyna baılanysty basqa aqparat jarııa etilmeıdi», delingen habarlamada.
