«Memleket basshysynyń tapsyrmalaryn iske asyrý úshin Ulttyq Bank negizgi úsh baǵyt boıynsha sharalar qabyldaıtyn bolady. Birinshi, ınflıasııany 2025 jyly 3-4% orta merzimdi targetke deıin tómendetý. Buǵan deıin 2021 jyly Memleket basshysynyń tapsyrmasy boıynsha Úkimetpen birlesip jyldyq ınflıasııany 8,4%-ke deıin tómendetýge múmkindik bergen ınflıasııaǵa qarsy den qoıý sharalarynyń keshenin iske asyrý bastaldy», degen Ulttyq bank basshysy atalǵan sharalardyń 2025 jylǵy mejege jetý úshin jetkiliksiz ekenin atady.
«Bul rette atalǵan deńgeı joǵary deńgeıge jatady jáne aqsha-kredıt saıasatynyń tıimdiligin shekteıdi dep esepteımin. Osyǵan baılanysty Memleket basshysy alǵa qoıǵan mindetterdi eskere otyryp, baǵanyń ósýimen kúresýge baǵyttalǵan, 2022 jylǵa jáne odan keıingi jyldarǵa arnalǵan ınflıasııany baqylaý jónindegi sharalar kesheni qabyldanatyn bolady», dedi Erbolat Dosaev.
