Qazaqstan • 13 Qańtar, 2022

Qazaqstan men AQSh arasynda tikeleı áýe qatynasy ashylady

86 ret kórsetildi

QR Parlamenti Senatynyń depýtattary «Qazaqstan Respýblıkasynyń Úkimeti men Amerıka Qurama Shtattarynyń Úkimeti arasyndaǵy áýe qatynasy týraly kelisimdi ratıfıkasııalaý týraly» zańdy qabyldady, dep habarlaıdy Egemen.kz.

QR Indýstrııa jáne ınfraqurylymdyq damý mınıstri Qaıyrbek О́skenbaevtyń aıtýynsha, zań jobasyn palatanyń jalpy otyrysynda usyna otyryp, 2019 jylǵy 30 jeltoqsanda Elbasy, Qazaqstan Respýblıkasy Prezıdentiniń tapsyrmalaryn oryndaý, Ult jospary - 100 naqty qadamnyń 73 qadamyn jáne Qazaqstan Respýblıkasy Qaýipsizdik keńesiniń hattamasyn iske asyrý maqsatynda QR Úkimeti men AQSh Úkimeti arasynda áýe qatynasy týraly kelisimge qol qoıyldy.

«Joba «Qazaqstan Respýblıkasynyń halyqaralyq sharttary týraly» Qazaqstan Respýblıkasy Zańynyń 5-babynyń 2-tarmaǵyna sáıkes ázirlendi. Kelisimniń negizgi maqsaty - Qazaqstan men AQSh arasynda, onyń ishinde Astana halyqaralyq qarjy ortalyǵyn ilgeriletý úshin qarjy ortalyqtarymen tikeleı áýe qatynasyn ashý úshin quqyqtyq baza qurý», dedi Qaıyrbek О́skenbaev.

Halyqaralyq Azamattyq avıasııa uıymynyń áýe qatynasyn yryqtandyrý jónindegi usynystaryna jáne amerıkandyq taraptyń usynystaryna sáıkes, kelisim sheńberinde taraptar avıakompanııalar, mejeli pýnktter men jıilikter sany boıynsha, onyń ishinde jolaýshylar tasymaly úshin «áýe erkindiginiń» besinshi dárejesimen shekteýsiz ushýdy oryndaı alatyndyǵy atap ótildi.

Bul kelisim el tarıhynda «ashyq aspan» rejıminde birinshi bolyp tabylady, ıaǵnı kez kelgen qazaqstandyq avıakompanııa Qazaqstannyń kez kelgen qalasynan AQSh-tyń kez kelgen qalasyna jıilikterdiń sheksiz sanymen jolaýshylar ushýyn, sondaı-aq AQSh pýnktteri men AQSh-tan tys kez kelgen pýnktter arasynda júk ushýlaryn oryndaı alady.

2021 jylǵy qarashadan bastap QR Parlamenti Senatynyń komıtetterimen otyrys ótkizilip, kelisimdi ratıfıkasııalaý týraly Zań jobasy talqylanyp, maquldandy. QR IIDM basshysynyń aıtýynsha, kelisimdi ratıfıkasııalaý týraly zańdy qabyldaý bizdiń el tarapynan qosymsha Bıýdjettik shyǵyndar men mindettemelerge alyp kelmeıdi jáne Qazaqstan Respýblıkasynyń kóliktik qoljetimdiligin arttyrýǵa baǵyttalǵan.

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar