«Qazaqstan Respýblıkasy Úkimetiniń qaýlysymen Erlan Erkinuly Battaqov Qazaqstan Respýblıkasynyń saýda jáne ıntegrasııa birinshi vıse-mınıstri qyzmetine taǵaıyndaldy», delingen habarlamada.
Sondaı-aq, Qazaqstan Respýblıkasy Úkimetiniń qaýlysymen Erjan Qaldybaıuly Qazanbaev basqa jumysqa aýysýyna baılanysty Qazaqstan Respýblıkasynyń saýda jáne ıntegrasııa vıse-mınıstri qyzmetinen bosatyldy.
Erlan Battaqov 1969 jyly 9 qazanda Qaraǵandy qalasynda dúnıege kelgen. Qaraǵandy polıtehnıkalyq ınstıtýtyn jáne Memlekettik statıstıka komıteti men Qazaqstan Respýblıkasy Eńbek mınıstrliginiń RSBJI bitirgen.
Eńbek jolyn 1992 jyly Qaraǵandy polıtehnıkalyq ınstıtýtynyń qurylys materıaldary jáne buıymdary tehnologııasy kafedrasynyń zertteýshi taǵylymgeri retinde bastady.
1995-1996 jyldary – «Alataý Invest» QFI bas mamany, bas dırektordyń ınvestısııalar jónindegi orynbasary.
1996 jyly - Qazaqstan Respýblıkasy baǵaly qaǵazdar jónindegi ulttyq komıssııasy baǵaly qaǵazdar naryǵyn retteý basqarmasynyń mamany, baǵaly qaǵazdar naryǵyndaǵy kásibı qyzmetti lısenzııalaý bóliminiń bastyǵy.
1996-2007 jyldary – «Azyq-túlik kelisim shart korporasııasy» AQ bas mamany, bólim bastyǵy, basqarma bastyǵy, qarjy dırektory.
2007-2012 jyldary - Qazaqstan Respýblıkasy Prezıdenti is basqarmasynyń bıýdjettik baǵdarlamalardy josparlaý jáne qarjylandyrý bóliminiń qarjy-taldaý sektorynyń meńgerýshisi, bıýdjettik baǵdarlamalardy josparlaý jáne qarjylandyrý bóliminiń meńgerýshisi.
2012-2019 jyldary - Qazaqstan Respýblıkasy Prezıdenti Is basqarýshysynyń orynbasary, birinshi orynbasary.
2019 jylǵy naýryzdan bastap Qazaqstan Respýblıkasy Prezıdentiniń is basqarýshysy.
