Quqyq tártibi organdary terrorıstik shabýyldarǵa qatysýshylardy anyqtaý jáne jazalaý, eldegi qoǵamdyq qaýipsizdikti tolyq qalpyna keltirý boıynsha barlyq qajetti sharalardy qabyldaýda. Adam shyǵyny bolǵan oqıǵalardy tergep-tekserýge erekshe nazar aýdarylǵan. El boıynsha jalpy sany anyqtalyp jatyr.
Árbir fakt tıisti quqyqtyq baǵa berýmen muqııat tergep-tekseriletin bolady. TJ rejımi kezeńinde jasalǵan quqyq buzýshylyqtar úshin 6966 ákimshilik hattama toltyryldy, ártúrli ákimshilik jaýaptylyqqa 4918 adam tartyldy. Onyń ishinde 1978 adam qamaqqa alyndy. 791 adamǵa aıyppul salyndy jáne 2149-y eskertildi. Sottardyń qaraýynda 2048 materıal bar. Búginde jedel-tergeý toptary 494 qylmystyq isti, onyń ishinde 44 – terrorızm aktisi boıynsha, 34 – jappaı tártipsizdik boıynsha, 15 adam óltirý jáne basqalary boıynsha tergep-tekserýde. Qylmys jasady degen kúdikpen 524 adam ýaqytsha ustaý ızolıatorlaryna qamaldy. Sottyń sanksııasymen 412 adam qamaýǵa alyndy.
Qazirgi ýaqytta qajetti tergeý áreketteri júrgizilýde. Qylmys jasady degen kúdikpen sottyń sanksııasynsyz 48 saǵattan aspaıtyn merzimge ustap alynýy múmkin (QPK-niń 14-babynyń 2-bóligi). Biraq asa aýyr, terrorıstik nemese ekstremıstik qylmys, jappaı tártipsizdik barysynda, sondaı-aq tótenshe jaǵdaı kezinde qylmys jasady dep kúdikke ilingen kezde 72 saǵattan aspaıtyn merzimge ustap alýǵa jol beriledi (QPK-niń 131-babynyń 4-bóligi).
Ákimshilik quqyq buzýshylyqtyń jolyn kesý, ony jasaǵan kúdiktiniń jeke basyn anyqtaý, hattama jasaý jáne t.b. maqsattarda 3 saǵatqa deıingi merzimge ustap alynýy múmkin. Eger ákimshilik is qozǵalǵan baptyń sanksııasy jazalaý sharalarynyń biri retinde qamaqqa alýdy kózdeıtin bolsa, onda 24 saǵatqa deıin ustap alynýy múmkin (ÁQBtK-niń 789-babynyń 3-bóligi).
Komendanttyq saǵattyń engizilýine baılanysty belgilengen tártipti buzýǵa jol bergen adamdar komendanttyq saǵat aıaqtalǵanǵa deıin, al ózimen birge qujaty joq adamdar – olardyń jeke basyn anyqtaǵanǵa deıin, 48 saǵattan aspaıtyn ýaqytqa ustalýy múmkin (ÁQBtK-niń 789-babynyń 2-bóligi).
Bul rette, jeke basy anyqtalmaı ustap alynǵandar sottyń sanksııasymen qabyldaý-taratý oryndaryna ornalastyrylady. Jeke basyn anyqtaǵannan keıin, eger olardyń is-áreketterinde qylmystyq nemese ákimshilik quqyq buzýshylyq belgileri baıqalmasa, olarǵa qandaı da bir sharalar qoldanylmaı, dereý bosatylady. Barlyq jetkizilgen jáne ustalǵan adamdardyń qorǵalýǵa jáne bilikti zań kómegin alýǵa konstıtýsııalyq quqyǵy qamtamasyz etilip otyrǵanyn atap ótken jón.
Azamattar men olardyń ókilderi aýmaqtyq polısııa jáne prokýratýra organdaryna sáıkes aryzdarmen júginýge quqyly. Árbir ótinish boıynsha tekserý júrgiziletin bolady. Qazaqstan Respýblıkasynyń Bas prokýratýrasy azamattardy zańdylyqty saqtaýǵa, jalǵan aqparatqa boı aldyrmaýǵa jáne resmı aqparat kózderine ǵana senýge shaqyrady.
