Oqıǵa • 14 Qańtar, 2022

LRT isi: Kúdiktiler jaýap alýǵa shaqyryldy

201 ret kórsetildi

Nur-Sultan qalasy ákiminiń eks-orynbasary Qanat Sultanbekov pen «Astana LRT» JShS-nyń burynǵy basshysy Talǵat Ardan jaýap alýǵa shaqyryldy, dep habarlaıdy Egemen.kz Bas prokýratýranyń baspasóz qyzmetine silteme jasap.

Vedomstvo málimetinshe, Nur-Sultan qalasy ákiminiń burynǵy orynbasary Qanat Sultanbekovke, «Astana LRT» JShS basqarma tóraǵasy Talǵat Ardanǵa jáne basqa da tulǵalarǵa qatysty «Astananyń jańa kólik júıesi» LRT, BRT/ITS jobasyn iske asyrýǵa bólingen bıýdjet qarajatyn jymqyrý deregi boıynsha qylmystyq is tergelip jatyr.

«Tergeý jınaǵan aıǵaqtar kúdikti Sultanbekovtiń is-áreketin Qylmystyq kodekstiń 1997 jylǵy redaksııasyndaǵy 176 («Uıymdasqan top quramynda qyzmet babyn paıdalana otyryp, asa iri mólsherde bıýdjet qarajatyn birneshe ret urlaý»), 235 («Birneshe qylmys jasaý maqsatynda uıymdasqan top qurý jáne ony basqarý») baptary jáne qoldanystaǵy QK-niń 189-baby («Uıymdasqan top quramynda qyzmet babyn paıdalana otyryp, asa iri mólsherde bıýdjet qarajatyn birneshe ret urlaý») boıynsha saralaýǵa múmkindik berdi.

Ardannyń zańsyz áreketteri 1997 jylǵy QK-niń 176-baby, 262-baby («qyzmet babyn paıdalana otyryp uıymdasqan qylmystyq topqa qatysý») jáne qoldanystaǵy QK-niń 189-baby boıynsha saralandy», delingen Bas prokýratýra habarlamasynda.

Tergeý áreketterine qatysý úshin kúdiktiler qorǵaýshyny óz betinshe shaqyrýǵa ne qylmystyq prosesti júrgizetin organnyń qorǵaýshynyń qatysýyn qamtamasyz etýi týraly ótinish jasaýǵa quqyly.

«Eger qorǵaýshyny kúdiktiler nemese olardyń zańdy ókilderi, sondaı-aq olardyń tapsyrmalary boıynsha basqa da adamdar shaqyrmasa, qorǵaýshynyń qatysýyn qylmystyq prosesti júrgizetin organ qamtamasyz etedi», dep túsindirdi Bas prokýratýra.

Sońǵy jańalyqtar

Tozaq qaqpasy

Rýhanııat • Keshe

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar