Aımaqtar • 16 Qańtar, 2022

Almatylyq qutqarýshylar turǵyndarǵa taýǵa shyqpaýǵa keńes berdi

72 ret kórsetildi

О́ńirlerde aýa raıynyń nasharlaýyna baılanysty Almaty qalalyq Tótenshe jaǵdaılar departamenti turǵyndarǵa taýǵa shyqpaýǵa keńes berdi, dep habarlaıdy Egemen.kz.

«Qazgıdromet» taratqan eskertý negizinde Almatynyń Tótenshe jaǵdaılar qyzmeti turǵyndarǵa taýǵa shyqpaýǵa keńes beredi. 17-19 qańtar kúni taýly aımaqtarda qalyń tuman túsip, qóktaıǵaq bolady. Soltústik-batystan sekýndyna 15-20 metr jel soǵady. Jaýyn-shashyn kútiledi.

Osyǵan baılanysty TJD Almaty turǵyndary men qonaqtaryna mynadaı qaýipsizdik sharalaryn saqtaýdy usynady:

- Qatty jaýyn-shashyn ( qar, jańbyr) nemese qatty daýyl týraly eskertý jarııalanǵan jaǵdaıda, taýly aımaqqa barýdy keıinge qaldyrǵan durys;

- Eger siz kishigirim topyraq kóshkinderdi baıqasańyz, onda taýǵa barmaǵanyńyz jón. Qarqyndy jaýyn-shashyn túsken jaǵdaıda tómen taýly aımaqta topyraq kóshkini bolýy múmkin;

- Eger siz taýda bolsańyz, muqııat bolyńyz jáne aýa raıynyń ózgerýin qadaǵalańyz;

- Eger siz taý bókterinde qardyń jyljýyn, qardyń túıirshikterin baıqasańyz, onda taýlarǵa barmaǵanyńyz jón-bul qardyń turaqsyz kúıde ekenin, kóshkinniń qaýipi múmkin ekenin bildiredi;

  • Úıge qaıtýdy táýliktiń kesh ýaqytyna keshiktirmeńiz, keri baǵytty taba almaýyńyz múmkin;
  • Rıýkzaktarda mynalar bolýy tıis: jyly kıimder,kútpegen jaǵdaıda dárigerge deıingi kómek kórsetýge arnalǵan dári qobdıshasy, GPS navıgatorlarynyń bolýy artyq bolmaıdy;
  • Eshbir jaǵdaıda taýǵa jalǵyz barmańyz;
  • Týǵan-týystaryńyz ben jaqyndaryńyzdy marshrýtyńyzdyń baǵyty jáne ornalasqan jerińizdi barynsha tolyq habardar etý óte mańyzdy.
Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar