Bilim • 17 Qańtar, 2022

Jyrshylyq mektep qaıta jańǵyrdy

62 ret kórsetildi

Almatyda ÖzgeEpic zamanaýı óner keńistigi Jauhar ulttyq mýzyka jobasyn kópshilikke tanystyrdy. Ult mádenıetiniń máıegi sanalatyn ulttyq mýzykany zaman talabyna saı damytyp, dástúrli án-kúı mektepteriniń arnasyn keńeıtýdi maqsat etken joba kópshiliktiń qyzyǵýshylyǵyn týdyryp otyr.

Joba avtorlary Jauhar­dyń alǵashqy kezeńinde Mań­ǵystaý jyrshylyq mektebiniń ókilderin nasıhattaý kózdel­genin aıtady. Osy rette jo­baǵa Amandyq Kómekuly, Uzaq­­baı Sahıev, Jetkizgen

Seıi­to­v,­ Ahmet Baı­e­keshov, Ar­­ǵyn Bı­sen­uly, Aman­bek Sáýir­baev, Ońdasyn Qalqan, Ospan Qulsymaqov, Rızabek Serik, Baqdáýlet Tolybekuly se­kildi 10 jyrshy qatysyp, Abyl, Aqtan, Qashaǵan, Nu­rym, Aral­baı syndy aqyn-jy­raý­­lar­dyń shyǵarmalaryn oryn­dady.

«Ulttyq ónerimizdiń qaı­nar bulaǵy – dástúrli án-kúı mek­tepterinde jatyr. Osy rý­­hanı baı­lyǵymyzdy qa­zir­gi zamandyq medıanyń múm­kin­dikterine ıkem­dep, zamanaýı dybys jáne beı­netúsirilim uıymdastyrdyq, bul jumysqa otandyq úzdik maman­dar­dy tarttyq. Bul sapaly kontent jas býynnyń ulttyq mýzy­kaǵa degen oń kózqarasyn qa­lyptastyrady dep senemiz», – deıdi joba prodıýseri Toǵjan Qurmanjanqyzy.

Jauhar jobasynyń al­ǵash­­qy maýsymy 10 epızod­tan turady. Ár epızod bir jyr­shy­nyń shyǵarmashylyǵyn qam­­tıdy, hronometrajy 35-40 mınýt. Jyl aıaǵyna deıin barlyq mýzykalyq strımıngtik platformalarda 10 mýzykalyq albom jarııalanyp, tegin tyń­daý múmkindigi qosa berilmek.

Tusaýkeser rásiminde ÖzgeEpic zamanaýı óner keńis­tiginiń uıymdastyrýshysy Maq­­pal Jumabaı: «Ulttyq mýzy­kamyzdyń turaqty plat­for­masyn qalyptastyrý ar­qyly biz óz deńgeıimizde óne­rimizdiń túrlenýine, damýyna jol ashpaqpyz. Halyqtyń rýhanı murasy sıfrly álemde mol qoryn jasaqtap, óz ornyn ıelengende ǵana bolashaqqa batyl kósh túzeıdi. Sondyqtan da jyl­darǵa sozylatyn bul joba jyrshylyq, kúıshilik mektepterdiń jas tyńdarmanyn arttyryp, sony serpin bererine senimdimiz», dep atap ótti.

Eske salsaq, ÖzgeEpic óner keńistigi buǵan deıin zamanaýı qazaq mýzykasyn damytýǵa baǵyttalǵan Jańgyryq jobasyn jaryqqa shyǵarǵan bolatyn.

 

ALMATY

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar