Qoǵam • 17 Qańtar, 2022

Qulybaev qyzmetinen ketti

816 ret kórsetildi

Tımýr Qulybaev «Atameken» UKP prezıdıým múshelerine úndeý jasady, dep habarlaıdy Egemen.kz.

  

Bul týraly palata saıtynda jarııalanǵan prezıdıým tóraǵasynyń arnaıy úndeýinde belgili boldy.

«Qurmetti áriptester! Búginnen bastap men «Atameken» Ulttyq Kásipkerler palatasy tóralqasynyń saılanǵan tóraǵasy ókilettigin doǵarýdy uıǵardym. Maǵan senim bildirgeni úshin sezd delegattary men tóralqa múshelerine alǵys aıtqym keledi. Ulttyq Kásipkerler palatasynyń joǵary baqylaý organyn basqarý men úshin segiz jyl boıy úlken qurmet pen jaýapkershilik boldy»,  delingen úndeýde.

Sonymen qatar, ol qatardaǵy sarapshylardan bastap aýdandyq fılıaldardyń basshylaryna deıingi «Atameken» ujymynyń birlesken mazmundy jumysy úshin aıryqsha rızashylyǵyn bildirdi.

«Bizdiń jumysymyzdyń basty qorytyndysy - bul bıznes pen bıliktiń jolǵa qoıylǵan syndarly dıalogy, qolaıly bıznes-ahýaldy dáıektilikpen qalyptastyrý. Bizdiń basymdyǵymyz árqashan bıznes quqyǵyn qorǵaý boldy. Joǵarǵy Sotpen, Bas prokýratýramen jáne sybaılas jemqorlyqqa qarsy qyzmetpen jumys jolǵa qoıylǵan. Barlyq óńirde kásipkerlerdiń quqyqtaryn qorǵaý jónindegi keńester jumys isteıdi. 8 jyl ishinde UKP-ǵa 41 myń ótinish kelip tústi, olardyń 40%-y oń sheshimin tapty», deıdi Qulybaev. 

Sondaı-aq, ol «Atameken» UKP bastamasymen bıznes-ahýaldy jaqsartý boıynsha júıeli jumys júrgizilgenin atap ótti.

«Zańnamalyq túzetýlerdiń 8 paketi qabyldandy. Ekonomıkalyq qylmystardy qylmyssyzdandyrý júrgizildi. Ekonomıka salasyndaǵy qylmystyq isterdi tirkeý 5 esege qysqardy. Qylmystyq kodeksten jalǵan kásipkerlik baby alynyp tastaldy. Ruqsattar, habarlamalar men lısenzııalar sany 4 ese qysqardy. Baqylaý-qadaǵalaý júıesine reforma júrgizildi - 17 myń nemese 58% talap alyp tastaldy. 2021 jyldan bastap jańa retteýshi saıasatty – «taza paraqtan» retteýdi engizý bastaldy. 2024 jylǵa deıin barlyq retteý tolyǵymen jańa qaǵıdattarmen qaıta jazylady jáne sıfrlandyrylady», delingen úndeýde.

«Biz «Bastaý» jobasyn shaǵyn nesıeleýmen baılanystyryp iske qostyq. Myńdaǵan jumyssyzdar men ózin-ózi jumyspen qamtyǵandar, ásirese aýyldarda, óz isin bastaýǵa múmkindik aldy. Qazirdiń ózinde 180 myńnan astam adam oqytyldy. 60 myńnan astam joba iske qosylyp, 70 myń jumys orny ashyldy. Mektepterde, kolledjder men joǵary oqý oryndarynda «kásipkerlik jáne bıznes negizderi» páni engizildi. Ony 250 myńnan astam jasóspirim zerttep jatyr. Bul bizdiń birlesken jumysymyzdyń az ǵana bóligi. Biraq alda jańa úlken mindetter men syn-qaterler tur», delingen úndeýde.

Onyń aıtýynsha, 2022 jylǵy 11 qańtarda Memleket basshysy óz sózinde «Atameken» men bıznes-qoǵamdastyq úshin basym baǵyttardy belgiledi. Halyqtyń tabysyn arttyrý baǵdarlamasyn ázirleý, ımportqa táýeldilikti tómendetý, memlekettik qoldaý sharalarynyń tıimdiligin arttyrý, memlekettiń ekonomıkadaǵy úlesin tómendetý jáne t. b. boıynsha keshendi sharalardy iske asyrý qajet.

«Memleket basshysynyń osy tapsyrmalarynyń barlyǵy UKP-nyń sózsiz basymdyǵynda bolady. Biz óz jumysymyzda saılanǵan qurylymdardyń keri baılanysy men múshelerimizdiń aldynda esep berýine árqashan nazar aýdardyq. 2020 jyly tıisti óńirlerdegi kásipkerlerdiń barlyq óńirlik keńesterine saılaý ótkizildi. Akkredıttelgen qaýymdastyqtar Tóralqanyń salalyq komıtetterin qurady jáne tóraǵalardy saılaıdy. Ashyqtyq, eseptilik jáne tıimdi keri baılanys sıfrlyq negizde «Atameken» UKP búkil júıesi jumysynyń negizgi qaǵıdattary bolatynyna senimdimin. Sizderge taǵy da birlesken jumys úshin rızashylyǵymdy bildiremin jáne otandyq kásipkerlikti damytý jónindegi mindetterdi oryndaýda aldaǵy ýaqytta da tabys tileımin. Qurmetpen, Tımýr Qulybaev», delingen úndeýde.

 

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar