Bıznes • 17 Qańtar, 2022

«Damý» Qory tártipsizdikten zardap shekken kásipkerlerge jeńildikter usyndy

103 ret kórsetildi

Eldegi ahýalǵa baılanysty Qarjy naryǵyn retteý jáne damytý agenttigi men Ulttyq ekonomıka mınıstrligi tártipsizdikter kezinde zardap shekken shaǵyn jáne orta bıznes sýbektilerine memleket tarapynan qoldaý kórsetý úshin sharalar legin ázirlegeni belgili.

Bul sharalar men oǵan qol jetkizý mehanızmi «Tótenshe jaǵdaı engizý nátıjesinde zardap shekken jeke jáne zańdy tulǵalardyń qaryzdary boıynsha tólemderdi keıinge qaldyrý tártibinde» kórsetilgen. Qujat QR Qarjy naryǵyn retteý jáne damytý agenttigi tóraǵasynyń 10.01.2022 jylǵy №8 buıryǵymen bekitildi.

Osy qujat boıynsha, «Báıterek» UBH» AQ enshiles uıymy – «Damý» kásipkerlikti damytý qory» AQ («Damý» Qory) TJ kezinde zardap shekken kásipkerlerdiń memlekettik baǵdarlamalar aıasynda sýbsıdııalaý jáne kepildik berý quraldary boıynsha nesıelerin qaıta qurylymdaýdy  ońaılatylǵan tártippen, bir jumys kúni ishinde maquldaýǵa daıyn ekendigin habarlaıdy

«Bıznestiń jol kartasy-2025» (BJK-2025) memlekettik baǵdarlamasy aıasynda sýbsıdııalaý jáne kepildik berý quraldary boıynsha qaıta qurylymdaýlar bir jumys kúni ishinde, kásipkerlerdiń qarjy-sharýashylyq qyzmetiniń taldaýynsyz maquldanady. Kórsetilgen ýaqyt ishinde ótinim qabyldanyp, qalyptastyrylyp, qaıta qurylymdaý sharttary maquldanady da bankterge hat jiberiledi.

Mıkro-shaǵyn bıznestiń 20 mln teńgege deıingi nesıeleri boıynsha (BJK-2025 birinshi baǵyty) qujattar Qorǵa nesıe merzimi uzartylǵan jáne  ol boıynsha kepildik merzimin uzartý qajet bolǵan jaǵdaıda ǵana maquldaýǵa jiberiledi.

Sonymen qatar, «Damý» Qory 2022 jyly mıkro, shaǵyn jáne orta bıznesti sýbsıdııalaý jáne kepildik berý quraldary boıynsha qoldaý sharalary Baǵdarlamada kózdelgen qujattarǵa qol qoıý prosedýralary bitken soń, qysqa merzimde tolyq kólemde jalǵasatynyn atap ótti. 

2021 jyly Qor nesıe somasy 2,175 trln teńge bolatyn 57,7 myń jobany qoldady. Onyń ishinde nesıe somasy 75,4 mlrd teńge bolatyn 13,4 myń mıkrokásipkerlik joba da bar:

  -  Nesıe somasy 1 598 mlrd teńge bolatyn 32,3 myń joba sýbsıdııalandy, onyń ishinde COVID-19 pandemııasy kezinde ekonomıkanyń neǵurlym zardap shekken sektorlarynda kásipkerlerdi qoldaý aıasynda nesıe somasy 421,7 mlrd teńge bolatyn 11 myń joba sýbsıdııalandy;

- nesıe somasy 366 mlrd teńge bolatyn 17,3 myń jobaǵa kepildik berildi;

- jeńildikpen qarjylandyrý qarajaty esebinen 8,4 myń joba 211 mlrd teńge nesıe aldy.

 Qordyń óńirlerdegi fılıaldarynda menedjerler EDB nemese qarjy uıymdary nesıeni maquldaǵanǵa deıin kásipkerlerdiń jobalaryn súıemeldeýde online.damu.kz jáne egov.kz elektrondyq portaldar arqyly keshendi túrde qoldaý kórsetedi.

Esterińizge sala keteıik, kásipkerler óz ótinimderin egov.kz jáne online.damu.kz portaldary arqyly online joldaı alady. Sondaı-aq www.damu.kz, www.online.damu.kz saıttarynan online rejımde aqparat alýǵa nemese 1408 biryńǵaı sall-ortalyǵyna qońyraý shalýǵa (tegin) múmkindik bar. О́ńirlerdegi menedjerlermen tikeleı baılanysýǵa da bolady. Kontakttar Qordyń saıtynda jáne áleýmettik jelilerdegi resmı akkaýnttarynda bar.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar